Блэд

	Блэд
Краіна:	Славенія
Плошча:	188,5 км²;
Вышыня:	501 м н. у. м.
Насельніцтва:	▲4969 чал. (1 студзеня 2020);
Тэлефонны код:	4
Паштовы індэкс:	4260
Геаграфічныя каардынаты:	46°22′0″ пн. ш. 14°7′0″ у. д. / 46.36667° пн. ш. 14.11667° у. д.Каардынаты: 46°22′0″ пн. ш. 14°7′0″ у. д. / 46.36667° пн. ш. 14.11667° у. д.
	Блэд на мапе Славеніі Блэд
	Галерэя здымкаў у Вікісховішчы
	https://www.bled.si/

Блэд (па-славенску: Bled, па-нямецку: Veldes) — горад у паўночна-заходняй часцы Славеніі, каля граніцы з Італіяй і Аўстрыяй. Знаходзіцца на беразе возера Блэйско, у Юлійскіх Альпах на ўсходзе ад нацыянальнага парку Трыглаў. Папулярны сярод турыстаў. У 2019 годзе ў горадзе жыло 4929 чалавек.

Геаграфія і транспарт

Царква Ўзьнясеньня Панны Марыі, што знаходзіцца на востраве сярод возера Блэйска

Блэд разьмешчаны за 45 кілямэтраў на паўночны захад ад сталіцы краіны Любляны і за 10 кілямэтраў на паўднёвы ўсход ад Есэніцэ. Прыблізна за 8 кілямэтраў на поўнач ад гораду праходзіць аўстрыйская граніца, за 40 кілямэтраў на захад — італьянская. Горад стаіць непадалёк на чыгуначнай і аўтадарожнай магістралі Любляна-Філях. Яшчэ некалькі аўтадарог з Блэду вядуць у горы, у нацыянальны парк Трыглаў.

Гісторыя

Блэдзкі замак

Славяне пасяліліся тут у VII стагодзьдзі^[2]. Блэдзкі замак упершыню згаданы пад сваёй нямецкай назвай Фэльдэс у 1004 годзе, калі ён быў падараваны імпэратарам Генрыхам II Альбуіну, Брыксэнскаму біскупу. У 1278 годзе ён разам з усёй Крайнай перайшоў да Рудольфа I пасьля Бітвы ля Сухіх Крут і з тых часоў уваходзіў у склад дзяржавы Габсбургаў ажно да канца Першай сусьветнай вайны, за выключэньнем пэрыяду 1809-1816 гадоў, калі ён належаў напалеонаўскім Ілірыйскім правінцыям.

Пасьля падзелу Аўстра-Вугоршчыны Блэд стаў перайшоў да Югаславіі і ператварыўся ў летнюю рэзыдэнцыю манархаў дому Карагеоргіевічаў, а пасьля Ёсіпа Броз Ціта. З 1991 году — у складзе незалежнай Славеніі.

Славутасьці

Блэдзкі замак — замак, пабудаваны на верхавіне 130-мэтровай стромкай скалы над возерам. Упершыню згаданы ў 1004 годзе, з тых часоў шмат разоў перабудаваны і пашыраны.
Царква сьв. Марціна.
Гатэль «Віла» — былая летняя рэзыдэнцыя І. Броз Ціта

Возера Блэйско з замкам

Крыніцы

^ Prebivalstvo - izbrani kazalniki, naselja, Slovenija, letno — Statistical Office of the Republic of Slovenia.
^ Плетерский А. Становление славянской государственности в Восточных Альпах // Studia Slavica et Balcanica Petropolitana 2012. № 2 (12)

[_1c08bf2446f85361-1] Prebivalstvo - izbrani kazalniki, naselja, Slovenija, letno — Statistical Office of the Republic of Slovenia.

[2] Плетерский А. Становление славянской государственности в Восточных Альпах // Studia Slavica et Balcanica Petropolitana 2012. № 2 (12)

[1]

[2]