Беларуская транспартная пракуратура
Беларуская транспартная пракуратура[2] — абласная ўправа для Віцебскае вобласьці. Акруга дзейнасьці — Віцебская вобласьць. Пачала сваю дзейнасьць з распадам СССР. У сувязі са скарачэньнем перавозак на чыгунцы скарацілася колькасьць правапарушэньняў. 1 сьнежня 2014 г. ліквідавана Беларуская транспартная пракуратура[3].
| Беларуская транспартная пракуратура | |
| Агульная інфармацыя | |
|---|---|
| Папярэднік | Беларуская транспартная пракуратура СССР |
| Наступнік | Ген. пракуратура РБ |
| Дата ўтварэньня | 27 ліпеня 1991 (32 гады таму) |
| Дата спыненьня існаваньня | 1 сьнежня 2014 г.[1] |
| Задача | 1) перадача карных і грамадзянскіх справаў у суд, 2) удзел у судзе дзяржаўным абвінаваўцам |
| Сядзіба | 220050 Беларусь, м. Менск, вул. Савецкая, 6 |
| Дзейнічае ў месцах | Беларусь |
| Службовыя мовы | расейская беларуская |
| Управа | Ген. пракуратура |
| Галоўная ўправа | Прэзыдэнт Беларусі |
| Старонка ў сеціве | Старонка ў сеціве |
Установа знаходзіцца: 220050 Беларусь, м. Менск, вул. Савецкая, 6
Дзейнасьць рэдагаваць
Транспартная пракуратура назірала за выкананьнем права на беларускае чыгунцы. Галоўныя веды аб правапарушэньнях браліся з транспартнае міліцыі (аддзел унутраных спраў на транспарце). Сьледзтва аб злачынствах вядзе мясцовы аддзел сьледчага камітэту Беларусі. Па асобных карных справах могуць весьці карную справу КДБ і ДПК, а потым перадаць пракуратуры для далейшае перадачы карнае справы ў суд.
Права рэдагаваць
У адпаведнасьці з артыкулам 4 Закона Рэспублікі Беларусь "Аб пракуратуры Рэспублікі Беларусь" ад 8 траўня 2007 г. №220-З задачамі пракуратуры зьяўляюцца[4]:
- забесьпячэньне вяршэнства права, законнасьці й правапарадку,
- абарона правоў і законных інтарэсаў грамадзян і грамадаў, а таксама грамадзкіх і дзяржаўных інтарэсаў.
У мэтах выкананьня гэтых задач пракуратура ажыцьцяўляла нагляд за:
- дакладным і аднастайным выкананьнем законаў, дэкрэтаў, указаў і іншых нарматыўных прававых актаў дзяржаўнымі органамі кіраваньня і іншымі дзяржаўнымі арганізацыямі, падпарадкаванымі Савету Міністраў Рэспублікі Беларусь, мясцовымі прадстаўнічымі, выканаўчымі і распарадчымі органамі, грамадзкімі абьяднаньнямі, рэлігійнымі арганізацыямі і іншымі арганізацыямі, службовымі асобамі і іншымі грамадзянамі, у тым ліку індывідуальнымі прадпрымальнікамі;
- выкананьнем заканадаўства пры ажыцьцяўленьні апэратыўна-вышуковае дзейнасьці;
- выкананьнем закона падчас дасудовае вытворчасьці, пры вытворчасьці папярэдняга сьледзтва і дазнаньні;
- адпаведнасьцю закону судовых пастаноў, а таксама за выкананьнем заканадаўства пры іх выкананьні;
- выкананьнем заканадаўства пры выкананьні пакараньня і іншых мер карнае адказнасьці, а таксама мер прымусовага характару.
Пракуратура павінна правіць праваахоўнаю дзейнасьцю дзяржаўных органаў, якія ажыцьцяўляюць барацьбу са злачыннасьцю і карупцыяю, а таксама дзейнасьць па барацьбе са злачыннасьцю іншых арганізацыяў, якія ўдзельнічаюць у барацьбе са злачыннасьцю, дзейнасьць па папярэджаньню правапарушэньняў.
Пракуратура праводзіла папярэдняе сьледзтва ў выпадках, прадугледжаных Крымінальна-працэсуальным кодэксам Рэспублікі Беларусь.
Пракуроры прымаюць удзел у разглядзе судамі грамадзянскіх спраў, спраў, зьвязаных з ажыцьцяўленьнем прадпрымальніцкае і іншай гаспадарчае (эканамічнае) дзейнасьці, падтрымліваюць дзяржаўнае абвінавачаньне па карных справах, удзельнічаюць у адміністрацыйным працэсе.
Управа рэдагаваць
На чале транспартнае пракуратуры стаяў транспартны пракурат, а ён меў трох намесьнікаў: першага намесьніка і двух намесьнікаў.
Земскія ўстановы рэдагаваць
Транспартная пракуратура мела свае земскія ўстановы, якія маюць назву транспартная пракуратура. Сьпіс транспартных пракуратураў:
| Назва | Сядзіба |
| Аршанская транспартная пракуратура | 211030 м. Ворша, вул. вул. вул. Заслонава, 9А |
| Баранавіцкая транспартная пракуратура | 225320 м. Баранавічы, вул. Даватара, 2а. |
| Берасьцейская транспартная пракуратура | 224030 м. Берасьце, вул. Карла Маркса, 43 |
| Віцебская транспартная пракуратура | 210001 г. Віцебск, вул. 5-я Сьвердлава, 4 |
| Гарадзенская транспартная пракуратура | 230025 г.Горадня, вул. Кірава, 33 |
| Гомельская транспартная пракуратура | 246000 г. Гомель, вул. Шаўчэнка, 9 |
| Магілеўская транспартная пракуратура | 212030 м. Магілеў, вул. Дабралюбава, 6 |
| Менская транспартная пракуратура | 220006 г. Менск, Прывакзальная плошча, 3 |
Вонкавыя спасылкі рэдагаваць
Крыніцы рэдагаваць
- ^ Указ Прэзыдэнта Рэспублікі Беларусь ад 1 кастрычніка 2014 г. № 463 "Аб ліквідацыі Беларускае транспартнае пракуратуры"
- ^ Дзеяпіс станаўленьня транспартнае пракуратуры Беларусі. Пракуратура Беларусі. Праверана 1 студзеня 2022 г.
- ^ Указ Прэзыдэнта Рэспублікі Беларусь ад 1 кастрычніка 2014 г. № 463 "Аб ліквідацыі Беларускае транспартнае пракуратуры"
- ^ Закон Рэспублікі Беларусь "Аб пракуратуры Рэспублікі Беларусь" ад 8 траўня 2007 г. №220-З. Генэральная пракуратура Рэспублікі Беларусь. Праверана 1 студзеня 2022 г.