Бартламей Стробэль
Бартламей Стробэль ці Барталямэўс Штробэль (па-польску: Bartłomiej Strobel, па-нямецку: Bartholomäus Strobel; 11 красавіка 1591 году — пасьля 1650 году) — сылескі мастак, які працаваў у стылі барока ў Празе, Сылезіі і, нарэшце, у Польшчы, куды эміграваў, ратуючыся ад эпідэміі чумы ў Сылезіі пасьля Трыццацігадовай вайны.
Бартламей Стробэль | |
| Дата нараджэньня | 1591[1][2][3] |
|---|---|
| Месца нараджэньня | |
| Дата сьмерці | 1647[4][5][2] |
| Месца сьмерці | |
| Занятак | маляр |
| Плынь | жывапіс барока[d] |
Бартламей пісаў партрэты і рэлігійныя творы для кіруючых эліт рэгіёну і рэлігійных ордэнаў. Ягонай найбольш вядомай працай лічыцца карціна «Сьвята Ірада з абезгалоўліваньнем Яна Хрысьціцеля», які на сёньня выстаўлены ў Музэі Прада. Твор спалучае ў сабе нібы рэлігійную тэму з раскошным адлюстраваньнем сучаснага прыдворнага банкету і мноствам партрэтаў вядучых дзеячаў Цэнтральнае Эўропы, ідэнтыфікацыя якіх часткова застаецца нявызначанай.
Дзьве значна менш вядомыя працы, як то «Сьвята Ірада», якая зараз знаходзіцца ў Старой пінакатэцы ў Мюнхэне, і «Даніель і Кір перад ідалам Бэлу», якая цяпер захоўваецца ў Нацыянальным музэі ў Варшаве, паўтараюць адметную формулу раскошнага і даволі дэкадэнцкага застольля, зьмешчанага ў складанай карціннай прасторы. На гэтых карцінах многія фігуры маюць выдуманыя вэрсіі сучаснага касьцюму.
Крыніцы
рэдагаваць- ^ https://www.ipsb.nina.gov.pl/a/biografia/bartholomaus-mlodszy-strobel
- ^ а б Bartholomäus Strobel // Frick Art Research Library Photoarchive — 1920.
- ^ Bartłomiej Strobel // MAK (пол.)
- ^ Bartholomäus Strobel // RKDartists (нід.)
- ^ Bartholomäus Strobel // Faceted Application of Subject Terminology
Вонкавыя спасылкі
рэдагаваць- Bartholomeus (Bartłomiej) Strobel. Culture.pl.