Ахім фон Арнім

	Ахім фон Арнім
	Achim von Arnim
	Карціна Пэтэра Эдуарда Штрэлінга, 1805
Асабістыя зьвесткі
Імя пры нараджэньні	Карл Ёахім Фрыдрых Людвіг фон А́рнім
Нарадзіўся	26 студзеня 1781; Бэрлін
Памёр	21 студзеня 1831 (49 гадоў); замак Віпэрсдорф, раён Ютэрборг
Пахаваны	Віпэрсдорф[d];
Сужэнец	Бэтына фон Арнім
Дзеці	Гізэла фон Арнім, Максыміліяна фон Арыёля[d] і Armgart von Arnim[d]
Літаратурная дзейнасьць
Род дзейнасьці	паэт, празаік, драматург
Кірунак	гайдэльбэрскі рамантызм
Мова	нямецкая
Значныя творы	«Чароўны рог хлопчыка»
Подпіс
	Ахім фон Арнім у Вікісховішчы

Карл Ёахім Фрыдрых Людвіг фон А́рнім (па-нямецку: Carl Joachim Friedrich Ludwig von Arnim; 26 студзеня 1781, Бэрлін — 21 студзеня 1831, замак Віпэрсдорф, раён Ютэрборг) — нямецкі пісьменьнік, асноўны прадстаўнік (разам з сваім сябрам Клемэнсам Брэнтана) гайдэльбэрскага рамантызму. Яго жонка Бэтына (сястра Брэнтана) таксама была пісьменьніцай.

Біяграфія

Людвіг Ахім фон Арнім нарадзіўся ў дваранскай сям’і камэргера прускага каралеўскага двара і быў прадстаўніком буйнога юнкерства. Дзяцінства Ахіма прайшло ў сямейным палацы ў цэнтры Бэрліну.

Усё свае жыцьцё Людвіг прысьвяціў зьбіраньні народнай творчасьці — песень, басьняў, прымавак.

У 1806—1808 гадах Арнім у суаўтарстве з Клемэнсам Брэнтана выдае зборнік народнай творчасьці пад назвай «Чароўны рог хлопчыка».

У 1811 годзе фон Арнім пабіраецца шлюбам зь сястрой свайго блізкага сябра Бэтыне Брэнтана. Бэтына фон Арнім стала яго адданым паплечнікам у справе зьбіраньня фальклёру.

Другую палову свайго жыцьця пісьменьнік правёў часткова ў Бэрліне, часткова ва ўласным маёнтку Віпэрсдорф, дзе сышоў з жыцьця з 1831 годзе.

Творчасьць

Аўтар раманаў «Галеча, багацьце, злачынства і адкупленьне графіні Далёрэс» (1810), «Захавальнікі кароны» (1817, другая частка пасьмяротна — 1854), аповесьцяў «Ізабэла Эгіпецкая, першае каханьне імпэратара Карла V» (1812), «Рафаэль і яго суседкі» (1822, апублікаваная ў 1824) і іншых, навэляў «Апантаны інвалід у фортэ Ратона» (1818) і іншых.

Разам з Брэнтана склаў анталёгію народных песень «Чароўны рог хлопчыка» («Des Knaben Wunderhorn») у трох тамах (1805—1808), якая аказала значны ўплыў на разьвіцьцё нямецкай лірыкі XIX стагодзьдзя^[2].

Арнім уводзіць фантастыку ў гістарычную навэлю («Ізабэла Эгіпецкая», дзе дзейнічаюць альраўн і голем), якая спалучаецца з дакладнымі гістарычнымі дэталямі.

Крыніцы

^ Arnim, Achim von, 1781-1831 // CONOR.SI
^ М. Рудницкий. Комментарии. — Избранная проза немецких романтиков. В 2-х томах. Т. 2. Пер. с нем. Сост. А. Дмитриева. Москва: Художественная литература, 1979. — С. 416.

[_2e19263125e21866-1] Arnim, Achim von, 1781-1831 // CONOR.SI

[2] М. Рудницкий. Комментарии. — Избранная проза немецких романтиков. В 2-х томах. Т. 2. Пер. с нем. Сост. А. Дмитриева. Москва: Художественная литература, 1979. — С. 416.

[1]

[2]