Андрэй Моўчан
Андрэй Леанідавіч Моўчан (1972; Менск, цяпер Беларусь) — беларускі дыплямат.
| Андрэй Моўчан | |
| Надзвычайны і Паўнамоцны Амбасадар Рэспублікі Беларусь у Паўднёва-Афрыканскай Рэспубліцы | |
|---|---|
| 8 лістапада 2011 — 8 сьнежня 2017 | |
| Прэзыдэнт: | Аляксандар Лукашэнка |
| Прэм’ер-міністар: | Міхаіл Мясьніковіч |
| Асабістыя зьвесткі | |
| Нарадзіўся: |
25 красавіка 1972 (52 гады) Менск, Беларуская ССР, СССР |
| Адукацыя: | |
У 1994 г. скончыў факультэт міжнародных эканамічных адносінаў Беларускага дзяржаўнага эканамічнага ўнівэрсытэту. У 1994—1997 гг. працаваў экспэртам управы прававога рэгуляваньня міжнародных эканамічных адносінаў Міністэрства зьнешнеэканамічных сувязяў Рэспублікі Беларусь. У 1997—2000 гг. быў 2-ім сакратаром Пастаяннага прадстаўніцтва Рэспублікі Беларусь пры аддзяленьні ААН ў Жэнэве (Швайцарыя). У 2000—2003 гг. — дарадца, начальнік аддзелу двухбаковых эканамічных дамоваў Дамоўна-прававой управы Міністэрства замежных справаў Рэспублікі Беларусь. У 2003—2008 гг. — дарадца Пастаяннага прадстаўніцтва Рэспублікі Беларусь пры аддзяленьні ААН ў Жэнэве. У 2008—2011 гг. быў намесьнікам начальніка ўправы зьнешняй палітыкі Адміністрацыі прэзыдэнта Рэспублікі Беларусь[1].
8 лістапада 2011 году[2] прызначаны Надзвычайным і Паўнамоцным Амбасадарам Рэспублікі Беларусь ў Паўднёва-Афрыканскай Рэспубліцы[3]. 28 верасьня 2012 году стаў дадаткова прызначаны амбасадарам у Рэспубліцы Ангола, Рэспубліцы Мазамбік ды Рэспубліцы Намібія па сумяшчальніцтве[4]. 28 лютага 2013 году стаў прызначаны таксама амбасадарам у Рэспубліцы Зымбабвэ[5]. Займаў гэтыя пасады да 8 сьнежня 2017.
З 2018 па 2020 год працаваў дырэктарам Дэпартамента па турызме Міністэрства спорту і турызму Рэспублікі Беларусь.
З 2020 году — амбасадар Рэспублікі Беларусь у Вэнэсуэле. З 2021 году — пасол у Балівіі па сумяшчальніцтве.
Валодае ангельскай і францускай мовамі. Жанаты, мае дачку і сына.
Крыніцы
рэдагаваць- ^ Амбасадар Беларусі (рас.) // Амбасада Рэспублікі Беларусь у Паўднёва-Афрыканскай Рэспубліцы, 2013 г. Праверана 17 лістапада 2015 г.
- ^ Лукашэнка разгледзіў кадравыя пытаньні // Зьвязда : газэта. — 9 лістапада 2011. — № 213 (27077). — С. 1. — ISSN 1990-763x.
- ^ Указ Президента Республики Беларусь от 8 ноября 2011 г. № 509 «О назначении А.Л.Молчана» (1/13059) (рас.)
- ^ Указ Президента Республики Беларусь от 28 сентября 2012 г. № 438 «О назначении А.Л.Молчана»(недаступная спасылка) (рас.)
- ^ Указ Президента Республики Беларусь от 28 февраля 2013 г. № 106 «О назначении А.Л.Молчана»(недаступная спасылка) (рас.)