Анатоль Брусевіч

Анатоль Аляксандравіч Брусевіч (нар. 28 верасьня 1977, Горадня) — беларускі паэт, перакладнік, даследнік гісторыі польскай літаратуры, польска-беларускіх літаратурных сувязяў.

Анатоль Брусевіч
Дата нараджэньня	28 верасьня 1977(1977-09-28) (47 гадоў)
Месца нараджэньня	Горадня, БССР, СССР
Месца вучобы	Гарадзенскі дзяржаўны ўнівэрсытэт імя Янкі Купалы (1999)
Занятак	перакладнік, паэт, літаратуразнаўца
Месца працы	Гарадзенскі дзяржаўны ўнівэрсытэт імя Янкі Купалы
Узнагароды	Залаты апостраф (2017)

Скончыў філялягічны факультэт Гарадзенскага ўнівэрсытэту (1999), у 2000 — магістратуру, у 2003 — асьпірантуру пры катэдры польскай філялёгіі ГрДУ. У 2004 г. абараніў кандыдацкую дысертацыю на тэму «Фактары беларускай культуры ў творчасьці Адама Міцкевіча віленска-ковенскага пэрыяду (1815—1823 гг.)». З 2003 працуе ў ГрДУ, з 2007 г. — на пасадзе дацэнта катэдры польскай філялёгіі.

На беларускую мову пераклаў драму Георгія Каніскага «Уваскрасеньне мёртвых» (Тэрмапілы № 13, Беласток, 2009), «Трэны» Яна Каханоўскага (Тэрмапілы № 14, Беласток, 2010), «Ідыліі (Pleіn-aіr)» Антонія Лянгэ (Тэрмапілы № 17, Беласток, 2013), раман Катажыны Бонды «Акулярнік», паасобныя вершы Адама Міцкевіча, Тадэвуша Міціньскага, Лейба Найдуса, Рымантаса Ванагаса, Іраклія Какабадзэ.

Друкуецца з 1989 г. у беларускіх і замежных выданьнях. Аўтар кніг паэзыі «Дуэль» (Гародня, 1992), «Падаю ў неба» (Гародня, 2006), «Апошні дзень» (Менск, 2013), «Крылы» (Гародня, 2021), манаграфіі «Фактары беларускай культуры ў творчасьці Адама Міцкевіча» (Гародня, 2008). Вершы перакладаліся на польскую, расейскую, літоўскую, ангельскую, грузінскую мовы.

Прызнаньне

• Ляўрэат прэміі часопіса «Дзеяслоў» «Залаты апостраф» (2017).

Літаратура

• Пяткевіч А. М. Літаратурная Гарадзеншчына. — Мінск, 1995.
• Петрушкевіч А. М. Літаратурная Гарадзеншчына ў постацях і лёсах. Гродна, 2010
• Петрушкевіч А. М. Дуэль дзвюх эстэтык: паэзія Анатоля Брусевіча // Творчество Адама Мицкевича и современная мировая культура: сборник научных работ / ГрДУ. — Гродно: Ламарк, 2010. — С. 288—294.
• Петрушкевіч А. М. Апошні паэт Гародні // Верасень. — 2012. — № 1. — С. 184—191.
• McMillin Arnold B. Writing in a cold climate : Belarusian literature from the 1970s to the present day. London : Maney, 2010

Вонкавыя спасылкі

• Анатоль Брусевіч
• Анатоль Брусевіч на хвалях «Радыё Марыя»
• Анатоль Брусевіч у перадачы «Кантэкст» на канале «Суполкі беларускіх пісьменнікаў»
• Творы на старонцы беларускай інтэрнэт-бібліятэкі «Камунікат» Архівавана 5 сакавіка 2016.