Аляксей Мікуліч

савецкі і беларускі антраполяг

Аляксе́й Ігна́тавіч Міку́ліч (19 сьнежня 1934, вёска Жарабковічы Ляхавіцкага раёну Берасьцейскай вобласьці — 12 студзеня 2021) — беларускі антраполяг. Доктар біялягічных навук (1991). Ляўрэат Дзяржаўнай прэміі Беларусі (1998).

Аляксей Мікуліч
Дата нараджэньня 19 сьнежня 1934(1934-12-19)
Месца нараджэньня Жарабковічы, Баранавіцкі павет, Наваградзкае ваяводзтва, Польская Рэспубліка
Дата сьмерці 12 студзеня 2021(2021-01-12) (86 гадоў)
Грамадзянства СССР
СССР
Месца вучобы Беларускі дзяржаўны мэдычны ўнівэрсытэт
Занятак антраполяг
Навуковая сфэра антрапалёгія
Месца працы Міністэрства сацыяльнага забесьпячэньня БССР і Інстытут мастацтвазнаўства, этнаграфіі і фальклёру
Навуковая ступень доктар біялягічных навук[d]
Узнагароды
Дзяржаўная прэмія Рэспублікі Беларусь

БіяграфіяРэдагаваць

Скончыў Менскі мэдычны інстытут (1963). У 1963—1966 гадох працаваў у Міністэрстве сацыяльнага забесьпячэньня БССР, з 1969 году ў Інстытуце мастацтвазнаўства, этнаграфіі і фальклёру НАН Беларусі.

У 2009 годзе ўвайшоў у грамадзкі арганізацыйны камітэт «Міленіюм Літвы». У звароце арганізацыйнага камітэту паведамлялася, што назва Літва датычыцца старажытнай тэрыторыі Беларусі, а цяперашнія беларусы да пачатку XX стагодзьдзя называлі сябе ліцьвінамі[1].

Вывучаў заканамернасьць зьменлівасьці генэтычна-антрапалягічных і адаптыўных тыпаў, генадэмаграфічных працэсаў сярод насельніцтва Беларусі і сумежных тэрыторыяў.

ПрацыРэдагаваць

Адзін з аўтараў працаў «Нарысы па антрапалёгіі Беларусі» (1976), «Антрапалёгія Беларускага Палесься» (1978), «Біялягічнае і сацыяльнае ў фармаваньні антрапалягічных асаблівасьцяў» (1981), «Спадчынныя і сацыяльна-гігіенічныя фактары даўгалецьця» (1986)[2].

  • Фармаванне генафонду беларускага этнасу на яго памежжах па звестках антрапалогіі і генагеаграфіі // Беларусіка=Albaruthenica. Кн. 3. Мінск, 1994. С. 90.
  • Беларусы ў генетычнай прасторы. Антрапалогія этнасу. — Менск: Тэхналогія, 2005. — 138 с.

КрыніцыРэдагаваць

ЛітаратураРэдагаваць