Аляксандар Шэлег

Аляксандар Усьцінавіч Шэ́лег (5 чэрвеня 1935, в. Бярозаўка, Пухавіцкі раён, Менская вобласьць) — беларускі фізык. Доктар фізыка-матэматычных навук (1989), прафэсар (1991).

Аляксандар Шэлег
Дата нараджэньня	5 чэрвеня 1935(1935-06-05) (88 гадоў)
Месца нараджэньня	Бярозаўка, Цытвянскі сельсавет, Рудзенскі раён, БССР, СССР
Месца вучобы	БДУ (1957) Рудзенская сярэдняя школа[d] (1952)
Занятак	фізык
Месца працы	НПЦ матэрыялазнаўства
Навуковая ступень	доктар фізыка-матэматычных навук[d]

Жыцьцяпіс

У 1952 годзе скончыў Рудзенскую СШ.

Скончыў у 1957 годзе БДУ. З 1957 году ў Інстытуце фізыкі цьвёрдага цела і паўправаднікоў НАН Беларусі, з 1975 года загадчык лябараторыі.

Навуковая дзейнасьць

Навуковыя працы па фізыцы крышталёў, хімічных сувязях у іх і фазавых пераходах, дынаміцы крышталічных кратаў. Выявіў несувымерныя фазы, ў шэрагу крышталёў паўправадніковых злучэньняў тыпу A²B⁵ і дасьледаваў іх уласьцівасьці. Вывучыў характар пераўтварэньняў працягла-пэрыядычных звышструктур у залежнасьці ад тэмпэратуры.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2004. — Т. 18. Кн. 1: Дадатак: Шчытнікі — Яя. — 472 с. — ISBN 985-11-0295-4

Вонкавыя спасылкі

• Шэлег Аляксандар Усьцінавіч на бачыне анляйнавай энцыкляпэдыі «Беларусь у асобах і падзеях»