Альберт Котаў

Альберт Котаў (28 кастрычніка 1937 в.Зафранцуская Грэбля Пухавіцкім раёне Менскай вобласьці) — беларускі гісторык, кандыдат гістарычных навук (1974), дацэнт (1977).

Альберт Котаў
Дата нараджэньня	28 кастрычніка 1937(1937-10-28) (87 гадоў)
Месца нараджэньня	Зафранцуская Грэбля, Пухавіцкі сельсавет, Пухавіцкі раён, БССР, СССР
Месца вучобы	гістарычны факультэт БДУ (1960) Беларускі політэхнічны інстытут (1970)
Занятак	гісторык, прафэсар унівэрсытэту
Месца працы	гістарычны факультэт БДУ
Навуковая ступень	кандыдат гістарычных навук (1974)
Узнагароды

Жыцьцяпіс

Малалетні вязень нацыскага лягэру ў Мар’інай Горцы.

Скончыў Беларускі дзяржаўны ўнівэрсытэт (гістарычны факультэт, спэцыяльнасьць «Гісторыя», 1960); Беларускі політэхнічны інстытут (асьпірантура, спэцыяльнасьць «Гісторыя КПСС», 1970).

Працаваў у Беларускім дзяржаўным унівэрсытэце на гістарычным факультэце. Дацэнт на Катэдры гісторыі Беларусі новага і найноўшага часу (інфармацыя на 2010 г.).

Навуковыя інтарэсы: гісторыя аграрных адносін; гісторыя Другой сусьветнай і Вялікай Айчыннай вайны; гісторыя разьвіцця фізкультуры і спорту Беларусі. Аўтар і суаўтар звыш 150 навуковых прац.

Узнагароды

Ганаровае званьне «Майстар спорту міжнароднага клясу» (1964). Юбілейныя мэдалі Рэспублікі Беларусь «60 гадоў Перамогі ў Вялікай Айчыннай вайне 1941—1945 гг.» (2005), «65 год вызваленьня Рэспублікі Беларусь ад нямецка-фашысцкіх захопнікаў» (2009), «65 гадоў Перамогі ў Вялікай Айчыннай вайне 1941—1945 гг.»

Літаратура

• Деятельность Компартии Белоруссии по созданию и укреплению машинно-тракторных станций (1929—1932 гг.) : автореферат диссертации … кандидата исторических наук : 07.00.01 / Котов Альберт Иосифович. — Менск, 1974. (рас.)
• История земельных отношений в Беларуси (с древнейших времен до наших дней) : пособие для студентов сельскохозяйственных специальностей / А. И. Котов. — Менск, 2001. (рас.)
• Беларусь у перыяд Другой сусветнай і Вялікай Айчыннай вайны (1939—1945) : дакументы і матэрыялы : дапаможнік для студэнтаў гістарычнага факультэта / [складальнік А. І. Котаў]. — Менск, 2008.
• История Беларуси и мировые цивилизации / Альберт Котов. — Менск, 2008. (рас.)
• Котаў Альберт Іосіфавіч // Энцыклапедыя гісторыі Беларусі : [у 6 т.]. — Менск, 2003. — Т. 6, кн. 2. — С. 402.