Алег Махнюк
Алег Махнюк (7 жніўня 1928, Браслаўшчына — 21 лютага 2009, Нью-Джэрзі, ЗША) — беларускі грамадзкі дзяяч на эміграцыі. Мастак.
Алег Махнюк | |
| Дата нараджэньня | 7 жніўня 1928 |
|---|---|
| Месца нараджэньня | |
| Дата сьмерці | 21 лютага 2009 (80 гадоў) |
| Месца сьмерці | |
| Месца пахаваньня | |
| Месца вучобы | |
| Занятак | маляр |
З 1944 году на чужыне. Браў актыўны ўдзел у беларускім скаўтынгу, вучыўся ў Беларускай гімназіі імя Максіма Багдановіча ў Ватэнштэце (брытанская зона акупацыі, Ніжняя Саксонія).
Напрыканцы 1940-х перабраўся ў ЗША. Браў актыўны ўдзел у беларускім грамадзкім жыцьці, напачатку ў моладзевым руху. Узяў удзел у І Кангрэсе беларусаў Амэрыкі, што прайшоў у Саўт-Рывэры, потым уваходзіў у кіруючыя органы Беларускага кангрэсавага камітэту.
Сьпяваў у беларускім хоры «Каліна», якім кіраваў Ксавэры Барысавец. У 1960-х высьвяціўся на дыякана, браў удзел у зьездах парафій, якія падпарадкоўваліся экзарху канстантынопальскага патрыярху ў ЗША.
Напрыканцы 1960-х беларусы Саўт-Рывэру вырашылі пабудаваць уласную царкву, самі капалі катлаван, самі рабілі фундамэнт. Махнюк у двары свайго дома зрабіў купал царквы. А потым яшчэ парабіў рамкі для абразоў, аналоі, іканастас, сходы для царквы.
Добра маляваў пэйзажы і працаваў як скульптар. На пяць гадоў перажыў жонку — мастачку Люду Махнюк.
24 лютага быў пахаваны на беларускіх могілках у Саўт-Рывэры побач з жонкай.
Літаратура рэдагаваць
- Некралёг з жыцьцяпісам у "Беларусы ў сьвеце", 2-2009