Адмір Мэгмэдзі

Адмір Мэгмэдзі (па-альбанску: Admir Mehmedi; нарадзіўся 16 сакавіка 1991 году, Госьцівар, Паўночная Македонія) — колішні швайцарскі футбаліст, нападнік. Абараняў колеры нацыянальнай зборнай Швайцарыі. Адмір зьяўляецца этнічным альбанцам.

Адмір Мэгмэдзі
Пэрсанальная інфармацыя
Нарадзіўся	16 сакавіка 1991(1991-03-16) (33 гады) Госьцівар, Паўночная Македонія
Рост	183 см
Вага	77 кг
Пазыцыя	нападнік
Клюбы
Гады	Клюб	Гульні (галы)¹
2008—2012 2012—2014 2013—2014 2014—2015 2015—2018 2018—2022 2022—2023	Цюрых Дынама Кіеў → Фрайбург (арэнда) Фрайбург Баер Вольфсбург Антальяспор	84 (19) 25 (1) 32 (12) 28 (4) 62 (7) 71 (9) 17 (1)
Зборныя
2011—2021	Швайцарыя	76 (10)

Кар’ера

Клюбная

Футболам пачаў займацца ў акадэміі «Бэлінцоны», пасьля чаго займаўся яшчэ ў моладзевых камандах «Вінтэртуру» й «Цюрыху», за апошні зь якім дэбютаваў у прафэсійным футболе 20 ліпеня 2008 году. У гэтым сэзоне Адмір 11 разоў зьявіўся на пляцоўцы, кожны раз выходзячы на замену. Адзначыўся малады нападнік у гэтых гульнях 2 разы. На наступны сэзон 2009—2010 гадоў Мэгмэдзі ўжо стаў асноўным нападнікам клюбу.

6 студзеня 2012 году Адмір заключыў кантракт на 4,5 году з кіеўскім «Дынама». Параіўшыся зь сям’ёй, ён абраў кашулю з 13-м нумарам. Дэбютаваў у складзе ўкраінскага клюбу 4 сакавіка ў матчы прэм’ер-лігі супраць кіеўскага «Арсэналу». Не зважаючы на тое, што ён рэгулярна зьяўляўся на поле, стаць асноўным гульцом каманды ён ня здолеў, з-за чаго 9 ліпеня 2013 году быў аддадзены на сэзон у арэнду ў нямецкі «Фрайбург», які выкупіў кантракт гульца 26 траўня 2014 году за 6 млн эўра.

Міжнародная

У траўні 2011 году быў упершыню запрошаны ў нацыянальную зборную Швайцарыі. 4 чэрвеня таго ж году, у матчы адборачнага цыклю да Эўра-2012 супраць зборнай Ангельшчыны дэбютаваў за нацыянальную каманду. Адмір выйшаў у гэтым матчы на замену на 74 хвіліне замест форварда Эрэна Дэрдыёка.

Дасягненьні

«Цюрых»:

• Чэмпіён Швайцарыі: 2009

Вонкавыя спасылкі

• Профіль (анг.) на Transfermarkt
• Профіль на Bundesliga.com