Іван Яновіч

Іван Пятровіч Яновіч (нар. 1944, Заўшыцы, Салігорскі раён, Менская вобласьць, цяпер Беларусь) — беларускі канструктар мэдычнай тэхнікі.

Іван Яновіч
Дата нараджэньня	24 красавіка 1944 (80 гадоў)
Месца нараджэньня	Заўшыцы, Салігорскі раён, Менская вобласьць, Беларуская ССР, Савецкі Саюз
Месца вучобы	Беларускі політэхнічны інстытут (1966)
Занятак	інжынэр-канструктар
Навуковая сфэра	машыназнаўства
Месца працы	Фізыка-тэхнічны інстытут
Вядомы як	распрацоўнік абсталяваньня для вытворчасьці інтэгральных схемаў і штучных кляпанаў сэрца
Узнагароды	Дзяржаўная прэмія Беларусі (1996)

У 1966 годзе скончыў Беларускі політэхнічны інстытут. У 1967 годзе працаўладкаваўся ў Канструктарскае бюро дакладнага электроннага машынабудаваньня. У 1976 годзе заняў пасаду начальніка канструктарска-тэхнічнага аддзелу спэцыялізаванага навукова-канструктарскага бюро Фізыка-тэхнічнага інстытуту Акадэміі навук Беларускай ССР. Распрацаваў абсталяваньне для вытворчасьці паўправадніковых прыладаў і інтэгральных схемаў, а таксама новыя спосабы тэрмаапрацоўкі мэталаў і іх стопкаў, вытворчасьці штучных кляпанаў сэрца і іншых мікравырабаў для кардыяхірургіі. Ляўрэат Дзяржаўнай прэміі Беларусі (1996).