Wajskowy
«Wajskowy» (Вайсковы; па-летувіску: Karys) — беларускі часопіс, выдаваўся Аляксандрам Ружанцовым у Коўне.
| Wajskowy | |
| Краіна |  Летувіская Рэспубліка
|
|---|---|
| Адрас | Коўна |
| Выдавец | Аляксандар Ружанцоў |
| Дата заснаваньня | 1 траўня 1921 |
| Дата закрыцьця | 25 лістапада 1921 |
| Мова | беларуская |
Камандовец Беларускага асобнага батальёну, які ваяваў супраць бальшавікоў на Ўсходнім фронце, Аляксандар Ружанцоў у лістападзе 1920-га быў арыштаваны летувіскімі ўладамі. Пасьля вызваленьня з-пад арышту А. Ружанцоў ужо працаваў у Коўне ў Генэральным штабе Летувіскага войска. Толькі некалькі месяцаў ён пачакаў ды ўзяўся за выдавецкую дзейнасьць (у якой ужо меў досьвед). Ружанцоў заснаваў двутыднёвік для беларусаў-вайсковых Летувіскага Войска пад назвай «Wajskowy».
«Вайсковы» выходзіў зь 1 траўня 1921 году. Апошні вядомы нумар пазначаны 25 лістапада 1921 году. Выданьне таксама было рукапіснае і памнажалася на шапірографе. Спачатку яно друкавалася выключна беларускай лацінкай, пасьля пачалі зьяўляцца артыкулы і на кірыліцы, а пасьля выданьне цалкам на яе перайшло (зь пятага нумара). Спачатку «Вайсковы» быў газэтай, але пасьля ягоны аб’ём павялічыўся, сталі больш разнастайнымі матэрыялы, і ён пераўтварыўся ў часопіс. Пры гэтым тэхнічныя сродкі яго выданьня не зьмяніліся.
Нумары часопіса захоўваюцца ў зборах Летувіскай нацыянальнай бібліятэкі ў Вільні.
Нумары
рэдагаваць- № 1 — 1 траўня 1921 году.
- № 2 — 16 траўня 1921 году.
- № 3 — 1 чэрвеня 1921 году.
- № 4 — 16 чэрвеня 1921 году.
- № 5 — 16 ліпеня 1921 году.
- № 6 — 31 ліпеня 1921 году.
Спасылкі
рэдагаваць- Беларускі часопіс “Вайсковы”, 1921 год. Перадрук (бел.). — 2013. — № 1 (14). — С. 50 — 91.
- Беларускі часопіс “Вайсковы”, 1921 год. Перадрук (бел.). — 2014. — № 1 (15). — С. 25 — 39.
- Беларускі часопіс “Вайсковы”, 1921 год. Перадрук (бел.). — 2015. — № 1 (16). — С. 28 — 46.
- Беларускі часопіс “Вайсковы”, 1921 год. Перадрук (бел.). — 2016. — № 1 (17). — С. 25 — 38.