Скурлат-карлік

Скурлат-карлік (Pipistrellus pipistrellus) — від рукакрылых сысуноў сямейства вечарнікавых (Vespertilionidae).

Скурлат-карлік
Клясыфікацыя
Царства	Жывёлы (Animalia)
Тып	Хордавыя (Chordata)
Падтып	Хрыбетныя (Vertebrata)
Надкляса	Чатырохногія (Tetrapoda)
Кляса	Сысуны (Mammalia)
Падкляса	Зьвяры (Theria)
Інфракляса	Пляцэнтарныя (Placentalia)
Атрад	Рукакрылыя (Chiroptera)
Сямейства	Вечарнікавыя (Vespertilionidae)
Род	Скурлат (Pipistrellus)
Від	Скурлат-карлік
Бінамінальная намэнклятура
Pipistrellus pipistrellus (Schreber, 1774)
Арэал
Скурлат-карлік на Віківідах  Скурлат-карлік у Вікісховішчы ITIS 632123 ·

Вонкавы выгляд

Даўжыня цела 35–52 мм, даўжыня хваста 23–36 мм, размах крылаў 18–24 см, вага 3.5–8.5 г. Крылы вузкія. Верх ад чырванавата-карычневага да цёмна-карычневага. Ніз ад жоўта-карычневага да шэра-карычневага. Перапонкі крылаў і хваста цёмна-карычневыя, голыя.

Распаўсюджваньне

Сустракаецца ў Эўропі, Азіі і на паўночным захадзе Афрыкі, ад Партугаліі і Брытанскіх астравоў да Гімалаяў; на вышынях ад -20 да 2000 м.

Лад жыцьця

Гэта адаптыўны від, які можна сустрэць на паляваньні ў самых розных ляндшафтах: ад гарадскіх цэнтраў да лясоў, дзе сілкуецца пераважна мухамі і лускакрылымі. Часта здабывае ежу каля вулічных ліхтароў. Летнія калёніі разьмяшчаюцца ў будынках і на дрэвах. Зімуюць ў шчылінах будынкаў, хоць таксама выкарыстоўваюцца расколіны ў скалах і пячорах, а таксама паражніны дрэў (самая вялікая калёнія — 37 000 асобінаў). Пры міграцыі адлегласьць паміж летнімі і зімовымі начлегамі можа складаць 10–25 кіламетраў.

Вонкавыя спасылкі

• Godlevska, L., Bücs, S., Kruskop, S.V., Gazaryan, S., Benda, P. & Paunović, M. 2020. Pipistrellus pipistrellus. The IUCN  (анг.)
• Kuester, J. 2000.. Pipistrellus pipistrellus. Animal Diversity Web  (анг.)