For My Pain…

For My Pain… (скарочана FMP) — фінскі гурт з гораду Аулу, які выконвае музыку ў такіх жанрах як сымфанічны мэтал і гатычны мэтал. Музычны калектыў прэтэндаваў на статус супэргурта, бо ў ім сышліся ўдзельнікі вядомых фінскіх гуртоў. За час свайго існаваньня гурт выпусьціў адзін альбом і сынгл.

For My Pain…
Гады	1999–2004
Краіна	Фінляндыя
Месца ўтварэньня	Аулу, Фінляндыя
Мова	ангельская
Жанр	гатычны мэтал
Выдавец	Spinefarm Records
Зьвязаныя праекты	Nightrage Embraze Eternal Tears of Sorrow Nightwish Charon Reflexion
Удзельнікі	Юха Кюльмянен Лауры Туохімаа Олі-Пеку Тэры Алці Ветеляйнен Томас Холопайнен Петры Сан калу
formypain.com

Гісторыя

Фармаваньне

Ідэя стварыць гурт паўстала ў Алці Вецелайнена яшчэ ў 1999 годзе. Алці Вецелайнен і Петры Сан калу пачалі падбіраць людзей. У групу былі запрошаны Томас Холопайнен (клявішнік з Nightwish) і Лауры Туохіма (гітарыст з Charon і Embraze). Кожны зь іх быў зацікаўлены ў гурце, аднак усе былі заняты сваімі музычнымі калектывамі й праект давялося адкласьці да лепшых часоў. Афіцыйна «For My Pain» утварылася толькі ў 2002 годзе.

Дэбютны альбом Fallen

Да працы над Fallen была таксама прыцягнута вакалістка з «Ram Zet» Мірыям Рэнваг, чый голас удала ўпісаўся ў атмасфэру альбома. Сэсіі гуказапісу праходзілі ў самай вядомай у Фінляндыі студыі, што спэцыялізуецца на мэтале — Tico-tico. Дыск выйшаў у сьвет ў красавіку 2003 году, а яго шыраньнем займаўся вядомы лэйбл «Spinefarm Records».

Сынгл Killing Romance

За першым альбомам рушыў усьлед сынгл Killing Romance. Ён быў выпушчаны ў 2004 годзе. Сынгл зьмяшчае тры новыя кампазыцыі. З тых часоў гурт не выпускаў новага матэрыялу.

Праца над другім альбомам

У 2007 годзе было абвешчана, што гурт зьбіраецца выпусьціць новы альбом той жа восеньню, аднак у кастрычніку было абвешчана, што альбом будзе адкладзены, аднак ён пакуль так і не ўбачыў сьвет.

Склад

Асноўны склад

• Юха Кюльмянен (Reflexion) — вакал
• Лауры Туохімаа (Charon, Embraze) — гітара
• Олі-Пеку Тэры (Eternal Tears of Sorrow) — гітара
• Алці Ветеляйнен (Eternal Tears of Sorrow) — бас-гітара
• Томас Холопайнен (Nightwish) — клявішныя
• Петры Сан калу (Eternal Tears of Sorrow) — ударныя

Запрошаныя музыкі

• Таро Кінунен — клявішныя на сынгле Killing Romance
• Мірыям Ренвог (Ram-Zet) — вакал у кампазыцыях «Dancer in the Dark» і «Too Sad To Live»

Дыскаграфія

• Fallen (2003)
• Killing Romance (сынгл, выдаваўся толькі ў Фінляндыі) (2004)

Вонкавыя спасылкі

• For My Pain… на Myspace
• For My Pain… на Last.fm