Csepel
Csepel (Чэпель) — вугорскі вытворца грузавых аўтамабіляў, аўтобусных шасі і аўтазапчастак.
| Csepel | |
 | |
| Тып | акцыянэрнаяе таварыства |
|---|---|
| Заснаваная | 1949 |
| Краіна | |
| Разьмяшчэньне | Будапэшт |
| Закрытая | 1996 |
| Галіна | машынабудаваньне |
| Прадукцыя | грузавікі, шасі |
| Матчына кампанія | Weiss |
Гісторыя кампаніі
рэдагавацьУ 1949 годзе ў аднайменным прыгарадзе Будапэшту на месцы разбураных напрыканцы вайны прадпрыемстваў Weiss быў пабудаваны буйны машынабудаўнічы камбінат Csepel. Спэцыялізацыя прадпрыемства — станкабудаваньне, вытворчасьць аўтамабільных кампанэнтаў, аўтобусных шасі, а з 1950 па 1989 гады тут вырабляліся грузавыя аўтамабілі. Csepel сталі першымі грузавікамі, вытворчасьць якіх было арганізавана ў нядаўна створанай Вугорскай Народнай Рэспубліцы. Першыя мадэлі грузавікоў былі распрацаваны на базе грузавікоў аўстрыйскай фірмы Steyr. Да 1960-х гадоў Csepel вырабляў бартавыя грузавікі і седлавыя цягачы (яны ў складзе аўтапаяздоў грузападымальнасьцю 10 т шырока пастаўляліся ў краінах сацлягеру, у тым ліку і ў СССР), шасі для аўтобусаў "Ікарус», гусенічныя цягачы К800 з грузавой плятформай, кранавые шасі, пажарныя і спэцмашыны.
У 1970-х гадах камбінат распрацаваў новыя грузавыя аўтамабілі ўжываючы шырокую каапэрацыю з прадпрыемствамі краінаў сацыялістычнага лягэру, а найперш за ўсё Польшчы. Аднак, купля ліцэнзіі грузавых аўтамабіляў заходне-нямецкай кампаніі M.A.N. і вытворчасьць іх заводам Rába у Д’ёры сур’ёзна ўдарылі па «Csepel». У адрозьненьне ад сучасных грузавікоў Raba, іх прадукцыя сур’ёзна састарэла.
З 1956 па 1975 гады камбінат вырабляў таксама матацыклы маркі «Панонія». Аднак у сувязі з падзеньнем экспартнага попыту на іх, ад вытворчасьці давялося адмовіцца.
З канца 1970-х гадоў замест уласных рухавікоў Csepel на грузавікі пачынаюць ўсталёўваць тыя, што вырабляюцца ў Вугоршчыне «Rába-MAN». На заводзе гэтак жа вырабляліся швэдзкія ўсюдыходы Volvo C202. За 1980-я гады аб’ём вытворчасьці цяжкіх грузавікоў скараціўся з 3-5 тысячаў да 1 тысячы адзінак у год, завод практычна цалкам пераключаецца на вытворчасьць шасі і іншых агрэгатаў для «Ікарусаў», а грузавікі зьбіраюць пад замову. З 1989 году завод цалкам пераключыўся на вытворчасьць шасі і аўтакампанэнтаў.