Блакітная валошка

Блакітная валошка (Centaurea cyanus) — расьліна сямейства астравых.

Блакітная валошка
Валошкі ў пшанічным полі
Клясыфікацыя
Надцарства	Эўкарыёты (Eukaryota)
Царства	Расьліны (Vegetabilia)
Падцарства	Зялёныя расьліны (Viridiplantae, Chloroplastida)
Група	Насенныя (Spermatophyta)
Аддзел	Кветкавыя расьліны (Spermatophyta)
Кляса	Двулісьценевыя (Magnoliopsida)
Падкляса	Астэрыды (Asteridae)
Атрад	Астракветныя (Asterales)
Сямейства	Астравыя (Asteraceae)
Род	Валошка (Centaurea)
Від	Блакітная валошка
Бінамінальная намэнклятура
'Centaurea cyanus Linnaeus, 1753
Блакітная валошка на Віківідах  Блакітная валошка ў Вікісховішчы ITIS 36954 · NCBI 41522

Паходжаньне назвы

Лацінская назва сямейства паходзіць ад імя мітычнае істоты кентаўра Хірона, які лічыўся адным з найлепшых лекараў. Назва віду ў перакладзе з лацінскае азначае «сіні», «цёмна-блакітны».

Распаўсюджаньне

Расьце на палях, уздоўж дарогаў.

Характарыстыка

Аднагадовая павуціністая расьліна вышынёю 30—60 (да 100) см. Лісткі целасныя лінейныя. Крайнія кветкі ў кошыку варонкападобныя. Лісточкі абгортак па краі вейкавыя. Цьвіце з чэрвеня да восені.

Крайнія варонкападобныя кветкі бязплодныя, яны прывабліваюць вусякоў, якія запылююць сярэдзінныя трубчастыя кветкі. Слупок знаходзіцца разам з тычачкамі, што зрасьліся ў трубачку.

Размнажэньне

Размнажаецца насеньнем, жывучасьць якога зьберагаецца да 10 рокаў. Вось чаму валошка блакітная нярэдка ёсьць злосным зельлем.

Мэдычнае выкарыстаньне

Крайнія варонкападобныя кветкі кошыку ўжываюць у мэдыцыне. Месьцяць мачагонныя ды жоўцегонныя, спазмалгічныя рэчывы.