BitDefender

Bitdefender — румынская кампанія Bitdefender SRL, якая распрацоўвае і выпускае антывірусы, файрволы і антыспамавыя праграмы пад маркай Bitdefender. Дадзеныя праграмы выкарыстоўваюцца больш чым у 150 краінах сьвету, і зьяўляюцца асабліва папулярнымі ў Нямеччыне і Францыі. Паводле афіцыйнага сайту, налічваецца каля 500 мільёнаў індывідуальных і карпаратыўных карыстальнікаў.

BitDefender

Тып	прыватная кампанія[d]
Заснаваная	2010
Краіна	Румынія
Разьмяшчэньне	Бухарэст, Румынія
Галіна	кампутарная бясьпека[d]
Прадукцыя	праграмнае забесьпячэньне
https://www.bitdefender.com/, https://www.bitdefender.co.uk/, https://www.bitdefender.com.tr/
BitDefender у Вікісховішчы

Праграмныя прадукты кампаніі даступныя для розных апэрацыйных сыстэм, уключаючы Microsoft Windows, розныя дыстрыбутывы Linux і FreeBSD. А таксама мабільных прыладаў на базе iOS і Android — як для карыстальнікаў, так і для карпаратыўнай абароны BYOD. Антывірусная абарона для віртуальнай інфраструктуры падтрымлівае плятформы віртуалізацыі: VmWare, HyperV, Citrix, Linux, Nutanix, KVM, Red Hat і інш.

На 2015 год кампанія займала 1-е месца па колькасьці прададзеных ліцэнзій на антывірусную тэхналёгію. Яе антывірусны рухавік (як асноўны або ў дадатак да іншых) выкарыстоўваюць такія кампаніі як Arcabit, Ashampoo, Auslogics, Avetix, Bullguard, Charityantivirus Aps, Chili Security, Emsisoft, Microworld Technologies, MysecurityCenter, Estsoft, F-Secure, G Data Software, Hauri , Iobit, Lavasoft, Norman, nprotect, Optenet, 360 Total Security, Roboscan, Surfright, Trustport, Wontok.

Паводле зьвестак дасьледаваньня, праведзенага экспэртамі Міжнароднай асамблеі арганізацыяў спажывецкіх выпрабаваньняў (ICRT) у 2018 годзе, антывірус BitDefender атрымаў найбольшую колькасьць балаў (4,093 бала з магчымых пяці) і заняў першае месца ў агульным рэйтынгу антывірусаў.

Вонкавыя ссылкі

• Афіцыйны сайт кампаніі
• Старонка бясплатнай вэрсіі антывірусу Bitdefender
• Bitdefender Gravityzone
• Старонка бясплатнай вэрсіі атнывірусу для Android