Яўгенія Няронская

Яўге́нія Няро́нская (нарадзілася ў 1986 годзе) — беларуская фотамадэль, фіналістка конкурсу «Міс Беларусь-2006», уладальніца тытулу «Міс Фота» міжнароднага конкурсу «Міс Унівэрсытэт сьвету» (Паўднёвая Карэя, 2007), Міс Maxim 2008.

Яўгенія Няронская
Рост	177 см
Вага	57 кг
Грудзі	94 см
Стан	62 см
Сьцёгны	92 см
Колер валасоў	шатэнка (ад прыроды брунэтка)
Вочы	цёмна-гнядыя
Блог

Біяграфія

Яўгенія вучыцца на чацьвертым курсе факультэту журналістыкі БДУ. Пасьля другога курсу перавялася на завочную форму навучаньня.

Кар’ера

Працавала на тэлеканалах «Лад» (праграма «Времечко») і «СТБ» (карэспандэнт). Мадэль Нацыянальнай школы прыгажосьці і мадэльнага агенцтва «Serge». Зь першага курсу супрацоўнічае з рознымі выданьнямі і ў будучыні плянуе зрабіць кар’еру ў журналістыцы. Яўгенія Няронская добра вядомая ў беларускіх мадэльных кругах. Яна ўдзельнічала ў конкурсе «Міс Беларусь-2006», а таксама заваявала тытул «Міс Фота» на міжнародным конкурсе прыгажосьці «Міс Унівэрсытэт Сьвету — 2007» (Miss World University 2007), фінал якога праходзіў 1 лістапада ў Сэуле.

У сакавіку 2008 году Яўгенія Няронская адправіла сваё фота ў расейскі глянец Maxim. З трох тысяч заявак рэдакцыя папулярнага часопіса абрала сотню дзяўчын, у ліку якіх Яўгенія была адзінай беларускай. І ў канцы верасьня 2008 году Яўгенія стала лепшай — Міс MAXIM 2008. Ёй падарылі аўтамабіль Mazda RX-8 коштам мільён расейскіх рублёў ($40 тыс). Прыз быў уручаны на шыкоўнай вечарынцы, прысьвечанай конкурсу Мiss MAXIM 2008.

Таксама яе фота зьявілася ў кастрычніцкім нумары FHM. Прапанова паступала і ад Playboy, але яна адмовілася.

Цяпер працуе ў маскоўскім мадэльным агенцтве.

Дадатковыя зьвесткі

• Яе дзядзька — кампазытар Мікалай Няронскі, экс-гітарыст «Песьняроў».
• Твар дзяўчыны «ўпрыгожваюць» некалькі шнароў: у дзяцінстве Жэня ламала нос, расьсякала брыво і нават падала тварам на друз.
• На сьцягне ў Яўгеніі ёсьць тату — маленькая пантэра.
• Любімы алькагольны напой — віскі з сокам.
• Па яе словах, яна кожны дзень зьядае па плітцы горкага шакаладу, якую закусвае булачкай.
• Любімы від спорту — конны спорт.
• Ведае ангельскую і францускую мовы.
• Любіць сіямскіх котак.
• Любімы гурт — «Мумій Троль».

Вонкавыя спасылкі

• Блог Яўгеніі Няронскай
• Анкета на Fashion Bank
• Анкета на сайце Нацыянальнай школы прыгажосьці
• «Мадэльная» журналістыка(недаступная спасылка)
• Салідарнасьць, «В Беларуси только одна беда» (фоторепортаж) (рас.)
• Салідарнасьць, Міss MAXIM: «Я стараюсь раздеваться красиво» (рас.)
• Комсомольская правда, Miss Maxim-2008 Евгения НЕРОНСКАЯ: «Не успела я получить Мazda RX-8, как в нее врезался „жигуль“!»(недаступная спасылка) (рас.)