Ян (апостал)
Ян Багаслоў, таксама Іаан Багаслоў — паводле Новага Запавету адзін з апосталаў, адзін з самых блізкіх і любімых вучняў Ісуса Хрыста, яго давераная асоба, якому даручыў апеку над сваёй маці.
| Апостал Ян | |
 Апостал Ян | |
| Сьвяты | |
|---|---|
| Нарадзіўся | 11[1] |
| Памёр | каля 99[1] |
| Шануецца | усімі хрысьціянскімі цэрквамі |
| У ліку | апосталаў |
| Дзень памяці | 27 сьнежня (заходнія цэрквы) 8 траўня, 30 чэрвеня, 26 верасьня (усходнія цэрквы) |
| Працы | Эвангельле паводле Яна, 3 пасланьні, Адкрыцьцё Яна Багаслова |
| Падзьвіжніцтва | апостальская пропаведзь |
Сын галілейскага рыбака Зэвядзея й Саламіі. Легендарная біяграфія гэтага апостала складаецца з шэрагу цяжкіх выпрабаваньняў, якія яму давялося перанесьці за час свайго доўгага жыцьця. Ян церпіць розныя прасьледаваньні, зьняволеньні, ссылкі, спробы атруціць і нават зварыць у катле з кіпячым маслам, зь якога ён выйшаў цэлым і здаровым. Драматызацыя біяграфіі магчыма рабілася для таго, каб падкрэсьліць яго выключную стойкасьць і вернасьць вучэньню свайго настаўніка. Яну прыпісваецца аўтарства аднаго з кананічных тэкстаў Эвангельля, трох саборных пасланьняў і тэкст «Апакаліпсіса», нібыта створанага ім у час зьняволеньня на востраве Патмас у Эгейскім моры, хоць у сапраўднасьці яны — творы розных аўтараў.
Літаратура
рэдагаваць- Скарына Ф. Творы: Прадмовы, сказанні, пасляслоўі, акафісты, пасхалія / Уступ. арт., падрыхт. тэкстаў, камент., слоўнік А. Ф. Коршунава, паказальнікі А. Ф. Коршунава, В. А. Чамярыцкага. — Мн.: Навука і тэхніка, 1990. — 207 с. — 4250 ас. — ISBN 5-343-00151-3