Ян Масесаў

беларускі футбаліст

Ян Масе́саў (нарадзіўся 31 сакавіка 2000 году) — беларускі футбаліст, паўабаронца клюбу «Віцебск».

Ян Масесаў
Пэрсанальная інфармацыя
Нарадзіўся 31 сакавіка 2000(2000-03-31)[1] (23 гады)
Пазыцыя паўабаронца
Клюбная інфармацыя
Клюб Віцебск
Нумар 8
Клюбы
Гады Клюб Гульні (галы)¹
2019—4 Віцебск 35 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
17 сакавіка 2024.

Кар’ера рэдагаваць

Пачаў займацца футболам з 6 гадоў у СДЮШАР футбольнага клюбу «Віцебск». У веку 14 гадоў перабраўся ў менскую Рэспубліканскую дзяржаўную вучэльню алімпійскай рэзэрвы (РДВАР), дзе пачаў выступаць на юнацкім узроўні за каманду Акадэміі АБФФ.

Па заканчэньні навучаньня ў РДВАР у ліпені 2017 году вярнуўся ў «Віцебск», дзе пачаў спаборнічаць у складзе дублю. Неўзабаве пачаў таксама прыцягвацца і да асноўнай каманды. 16 сакавіка 2019 году дэбютаваў у галоўнай камандзе «Віцебска», выйшаўшы на замену ў канцы матча Кубка Беларусі супраць гомельскага «Лякаматыву» (2:1). 14 красавіка ўпершыню згуляў у Найвышэйшай лізе, калі ў канцы сустрэчы супраць менскага «Тарпэда» (1:1) выйшаў на поле. У далейшым у 2019 годзе працягваў часам зьяўляцца ў асноўным складзе, а ў 2020—2022 гадах гуляў толькі за дубль, зрэдку апынаўся на лаўцы запасных у асноўнай камандзе.

У 2023 годзе, пасьля таго як «Віцебск» выбыў у Першую лігу, пачаў гуляць у стартавым складзе. У красавіку 2023 года падоўжыў кантракт зь віцебскім клюбам да сканчэньня 2024 году[2].

Крыніцы рэдагаваць

Вонкавыя спасылкі рэдагаваць