Язэп Булак-Балаховіч

Язэ́п Нікадзі́мавіч Була́к-Балахо́віч (1894—1923) — беларускі вайсковы дзяяч.

Язэп Булак-Балаховіч
4 верасьня 1894(1894-09-04) — 11 чэрвеня 1923(1923-06-11) (28 гадоў)
Месца нараджэньня	Мейшты[d], Новааляксандраўскі павет[d], Ковенская губэрня, Расейская імпэрыя
Язэп Булак-Балаховіч у Вікісховішчы

Магіла Язэпа Булак-Балаховіча

Нарадзіўся ў Мейштах у сям’і фальварковага арандатара. Паводле афіцыйных зьвестак паходзіў зь сялян Відзаўскай воласьці Новааляксандраўскага павету Ковенскай губэрні. Сын Мікодыма-Міхала Сільвестравіча і Юзэфы народжанай Шафран Балаховічаў. Бацькі мелі шэсьць дачок і трох сыноў, між іншых і Язэп.

Прозьвішча «Булак-Балаховіч» зьяўляецца штучным і ўтвораным братам Язэпа Станіславам Балаховічам. Гэткае ж прозьвішча прыняў Язэп Балаховіч. У Польшчы быў прыняты адмысловы закон, які дазваляў афіцыйна далучыць «вайсковыя мянушкі» часоў вайны за незалежнасьць Польшчы да прозьвішчаў.

Язэп Булак-Балаховіч — удзельнік антыбальшавіцкай барацьбы ў 1918—1920 гадах. Ваяваў у вайсковых фармацыях Станіслава Булак-Балаховіча. Быў забіты савецкімі агентамі 11 чэрвеня 1923 году, пахаваны на могілках у Белавежы.

Пачынаючы з 2010 году з ініцыятывы Беларускай Нацыянальнай Памяці адбываецца роварны рэйд у памяць пра Язэпа Булак-Балаховіча.