Юлемістэ (возера)

Юлемістэ (па-эстонску: Ülemiste) — найбольшае возера ў ваколіцах Таліну. Сілкуецца патокамі Курнай і Руунаояй, а таксама каналам Васк’яла-Юлемістэ з ракі Пірыта.

Возера Юлемістэ Ülemiste Панарама Юлемістэ «Валун Лінды». На заднім пляне — ачышчальныя збудаваньні Краіна Эстонія Плошча 9,436 км² Плошча вадазбору 99,24 км² Максымальная глыбіня 4,2 м Сярэдняя глыбіня 2,5 м Празрыстасьць 0,5 м Найбольшая даўжыня 4,1 м Найбольшая шырыня 3,2 м Даўжыня берагавой лініі 15,2 км Вышыня над узроўнем мора 35,7 м Каардынаты 59°24′ пн. ш. 24°46′ у. д. Юлемістэ на мапе Эстоніі Юлемістэ

Галерэя здымкаў у Вікісховішчы

Побач з возерам разьмешчаны Талінскі аэрапорт і гандлёвы цэнтар Ülemiste.

Возера Юлемістэ зьяўляецца крыніцай пітной вады Таліну з XIV стагодзьдзя, у дадзены забясьпечваючы патрэбы места на 90%. Яшчэ 10% вады здабываецца з калодзежаў, хоць гэта неабавязкова і было зроблена зь меркаваньняў бясьпекі на той выпадак, калі возера зь нейкіх прычынаў будзе заражанае.

Жывёльны сьвет

У возеры водзяцца розныя віды рыб, у тым ліку вугры, завезеныя сюды ў 1986 р. Драпежныя рыбы складаюць усяго 5% ад агульнай колькасьці рыб.

Міталёгія

У возеры ляжыць вялізны валун, называны «Ліндаківі» (скала Лінды). Паводле легенды, гэты валун быў адным з тых, якія Лінда несла на магілу свайго мужа Калева, ды выраніла з фартуха. Яна села на валун і заплакала, а зь ейных сьлёзаў і ўтварылася возера Юлемістэ.

Шырока распаўсюджаная і легенда пра «старога зь Юлемістэ» (эст. Ülemiste vanake), што жыве ў возеры. Усіх, каго сустрэне на сваім шляху, ён пытаецца: «Ці Талін ужо дабудаваны?». Калі хтосьці адкажа, што так, то, згодна з легендай, возера Юлемістэ затопіць места. З гэтай прычыны будаўніцтва ў Таліне не павінна спыняцца.

Вонкавыя спасылкі

Юлемістэ (возера) — сховішча мультымэдыйных матэрыялаў

• Прадпрыемства «Вада Таліну» (эст.)
• Зьвесткі пра возера (эст.)