Югася Каляда
Юга́ся Каляда́ (сапраўднае імя Яўге́нія Стрыжак[1], у дзявоцтве — Пара́шчанка; нар. 10 лютага 1981) — беларуская пісьменьніца.
| Югася Каляда | |
| Асабістыя зьвесткі | |
|---|---|
| Нарадзілася | 10 лютага 1981 (39 гадоў) Гомель, БССР, СССР |
| Літаратурная дзейнасьць | |
| Род дзейнасьці | пісьменьніца |
БіяграфіяРэдагаваць
Нарадзілася ў Гомелі. Навучалася на гістарычным факультэце Беларускага дзяржаўнага пэдагагічнага ўнівэрсытэту (Менск). У 2006 годзе вучылася на юрыдычным факультэце менскага Інстытуту парлямэнтарызму і прадпрымальніцтва.
ТворчасьцьРэдагаваць
Піша прозу і вершы. Друкавалася ў газэтах «Наша Ніва», «Літаратура і мастацтва», часопісах «Дзеяслоў», «Маладосць», калектыўным літаратурным зборніку «Формула каханьня». У 2004 годзе стала адной зь пераможцаў конкурсу маладых літаратараў імя Пэтраркі, які ладзіўся Беларускім ПЭН-цэнтрам. У 2005 годзе выйшла першая кніжка ейнай прозы «Галоўная памылка Афанасія», якую філёзаф Ігар Бабкоў назваў «самым скандальным і кантравэрсійным літаратурным дэбютам дзесяцігодзьдзя». Творы Югасі Каляды выразна эгацэнтрычныя. Аўтабіяграфічныя пасажы пісьменьніца шчыльна пераплятае з ірэальнасьцю сноў, фантазіяў ды канспэктаў ненапісаных раманаў. У пачатку 2007 году «Галоўная памылка Афанасія» зьявілася ў перакладзе на польскую мову. Кніга атрымала назву «Traktor».