Ігар Бабкоў
Ігар Бабкоў (нарадзіўся 2 чэрвеня 1964 году, Гомель) — беларускі паэт, філёзаф і куратар кніжнай сэрыі «Галярэя Б».
| Ігар Бабкоў | |
 Ігар Бабкоў выступае на лекцыі, прысьвечанай Рыгору Барадуліну (2014) | |
| Асабістыя зьвесткі | |
|---|---|
| Нарадзіўся | 2 чэрвеня 1964 (60 гадоў) |
| Літаратурная дзейнасьць | |
| Род дзейнасьці | паэт, раманіст, эсэіст |
| Гады творчасьці | 1986 — дагэтуль |
| Жанр | верш, раман, эсэ |
| Мова | беларуская мова |
| Дэбют | 1986 |
| Значныя творы | «Адам Клакоцкі і ягоныя цені» |
| Прэміі | Прэмія Гліняны Вялес (1993), Залатая літара (2005) |
| Узнагароды | |
 ihar-babkou Блог у LJ | |
Біяграфія
рэдагавацьНарадзіўся ў 1964 годзе ў Гомелі. У 1986 годзе скончыў Беларускі дзяржаўны ўнівэрсытэт (аддзяленьне філязофіі) і тамсама асьпірантуру. Працуе ў інстытуце філязофіі Акадэміі навук Беларусі і займаецца сучаснай посткаляніяльнай тэорыяй і гісторыяй філязофіі. Выкладае ва ўнівэрсытэтах Менску й Вільні.
Пры канцы 80-х быў сябрам літаратурных суполак «Бабілён» і «Тутэйшыя». Браў удзел у аднаўленьні газэты «Наша Ніва» на пачатку 90-х, быў адным з заснавальнікаў Беларускага калегіюму, выдаваў і рэдагаваў часопіс «Фрагмэнты».
Апавяданьні, вершы й эсэ Ігара Бабкова перакладзены на польскую, украінскую, нямецкую, чэскую й вугорскую мовы. Зьяўляецца аўтарам тэкстаў да песень гурту «Новае Неба»[1].
Творчасьць
рэдагавацьЯк адзначае Алесь Бельскі, галоўным тэматычным стрыжнем паэзіі І. Бабкова зьяўляецца тэма філязофіі быцьця. Паэт заглыбляецца ў агульначалавечыя і філязофскія пытаньні: сэнс існаваньня, душа і вечнасьць, сусьвет і зямны лёс, Бог і пошук духоўнага апірышча. Дасьледнік называе паэзію аўтара «суб’ектнадухоўнай плыньню думак і пачуцьцяў»[2].
Творы
рэдагаваць- «Solus Rex» (1986) — паэзія
- «Герой вайны за празрыстасьць» (1998) — паэзія
- «Адам Клакоцкі і ягоныя цені» (2001; па-польску ў перакладзе Малгажаты Бухалік, 2008; 2-е выданьне па-беларуску — 2012) — раман
- «Філязофія Яна Сьнядэцкага» (2002)
- «Каралеўства Беларусь. Вытлумачэньні ру[і]наў» (2005) — зборнік эсэ
- «Засынаць, прачынацца, слухаць галасы рыб» (2009) — паэзія
- «Хвілінка» (2014)
Узнагароды
рэдагаваць- Гліняны Вялес (1993, зборнік «Solus Rex»)
- Залатая літара (2005, «Каралеўства Беларусь. Вытлумачэньні ру[і]наў»)
- Шорт-ліст прэміі «Angelus» (2009, раман «Адам Клакоцкі і ягоныя цені»)[3]
- Прэмія імя Ежы Гедройца (2014)
Крыніцы
рэдагаваць- ^ Выбар Ігара Бабкова: Waria, MoZart і Ambasadar Krou// «Тузін Гітоў», 1 лістапада 2010
- ^ Бельскі А. Сучасная беларуская літаратура: Станаўленне і развіццё творчых індывідуальнасцяў (80—90-я гг.). — Мн. — 1997. — 255 с.
- ^ Сярод фіналістаў прэміі Angelus — Ігар Бабкоў// «Прайдзісвет», 21 кастрычніка 2009
Вонкавыя спасылкі
рэдагаваць- У «Доме літаратара» Ігар Бабкоў і Ганна Серэхан// «Радыё свабода», 25 кастрычніка 2010.
- Герой вайны за празрыстасьць — Мн.: Мастацкая літаратура, 1998 ISBN 985-6012-50-3