Эўстатыяс Альтыніс
Эўста́тыяс Альты́ніс (па-румынску: Eustație Altini, па-грэцку: Ευστάθιος Αλτίνης) — малдаўскі мастак грэцкага паходжаньня. Спэцыялізаваўся на дэкаратыўным мастацтве і іканастасах.
Эўстатыяс Альтыніс | |
| Дата нараджэньня | 1772[1] |
|---|---|
| Месца нараджэньня |
|
| Дата сьмерці | 1815[1][2] |
| Месца сьмерці | |
| Месца вучобы | |
| Занятак | іканапісец, маляр, прафэсар, разьбяр па дрэве |
| Псэўданімы | Eustatie Altini і Eustache Altini |
| Жанры | іканапіс[d] |
| Плынь | нэаклясыцызм |
Біяграфія
рэдагавацьНарадзіўся ў Грэцыі, калі яна яшчэ была часткай Асманскай імпэрыі. У 1780 годзе пасьля Пэляпанэскага паўстаньня і далейшага ўдьзелу Расеі ў грэцкае палітыцы, прыхільнікі незалежнасьці Грэцыі падвергуліся перасьледу, таму ягоная сям’я ўцякла ў Ясы, які на той час быў памежным горадам у паўаўтаномнай правінцыі, падкантрольнай фанарыётам. Там ён упершыню вывучаў мастацтва ў мясцовага жывапісца на імя Нікалае.
Ягоны талент прыцягнуў увагу, і ў 1789 годзе пры падтрымцы Аляксандра Іпсылянтыса, ваяводы Валахіі, ён здолеў выправіцца ў Вену, каб паступіць у Акадэмію выяўленчых мастацтваў. Там ён навучаўся ў Гэнрыха Фрыдрыха Фюгера, Ёгана Баптыста Лямпі і Губэрта Маўрэра. Гэтым ён упершыню пазнаёміўся і зьведаў узьдзеяньне заходняга мастацтва. Пазьней, гэта дапамагло Альтынісу пасьпяхова выкарыстоўваць пэрспэктыву і сьвятлацень у традыцыйным жывапісу іконаў. Паколькі Ясы ў той пэрыяд знаходзіўся пад расейскай акупацыяй, мяркуецца, што князь Рыгор Пацёмкін быў заступнікам мастака, аднак гэтыя зьвесткі ня ёсьць дакумэнтаванымі.
У 1802 годзе мастак стварыў сваю першую вядомую ікону ў царкве Бану ў Ясах. Яе замовіў Якаў Стамаці, мітрапаліт Малдавіі, які быў прыхільнікам расейскай асьветы. Аднымі з найбольш вядомых ягоных іканастасаў былі створаны дзеля царквы Сьвятога Сьпірыдона ў 1813 годзе. Акрамя іконаў, зрабіў некалькі партрэтаў нерэлігійнага характару, у асноўным жанчынаў. На працягу апошніх гадоў ён вёў клясу жывапісу ў Княжацкай акадэміі ў Ясах.
Крыніцы
рэдагаваць- ^ а б Union List of Artist Names (анг.)
- ^ Niculescu R. Eustatie Altini // Altini, Eustatie (анг.) // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T002134
Вонкавыя спасылкі
рэдагаваць- Primitivii picturii românești moderne — partea a doua. Arta din România