Шылава (возера, басэйн Дружнянкі)

Возера Шылава Краіна Беларусь Плошча 0,19 км² Плошча вадазбору 11,6 км² Максымальная глыбіня 11,8 м Сярэдняя глыбіня 5,3 м Найбольшая даўжыня 1,24 км Найбольшая шырыня 0,26 км Даўжыня берагавой лініі 2,9 Аб’ём вады 1,01 млн. м³ Каардынаты 55°30′05.98″ пн. ш. 27°04′58.73″ у. д. Шылава на мапе Беларусі Шылава

Шылава — возера ў Беларусі, у басэйне ракі Дружнянкі. Знаходзіцца ў Браслаўскім раёне Віцебскай вобласьці, за 15 км на поўдзень ад места Браслава. Плошча паверхні возера 0,19 км². Даўжыня 1,24 км, найбольшая шырыня 0,26 км. Найбольшая глыбіня дасягае 11,8 м, сярэдняя складае 5,3 м. Аб’ём вады 1,01 млн м³. Даўжыня берагавой лініі 2,9 км.

На наўднёва-ўсходнім беразе возера стаіць гістарычнае мястэчка Замошша.

Апісаньне

Катлавіна лагчыннага тыпу, серпападобнай формы, выцягнутая з поўначы на поўдзень. Схілы вышынёй ад 2—5 да 10—12 м, складзеныя зь пяскоў і супескаў. Берагі зьліваюцца з схіламі, усходнія нізкія. Дно карытападобнай формы. Глыбіні да 2 м займаюць каля 26% плошчы. Дно да глыбіні 2 м пясковае, глыбей высьцілаецца сапрапэлем.

Возера эўтрофнае, слабапраточнае. Упадае ручай і выцякае ручай у возера Золву. Расьліннасьць пашыраецца да глыбіні 3 м і ўтварае палосу шырынёй да 25 м уздоўж берага.

Каля возера (празь вёску Замошша) праходзіць аўтамабільная дарога Н2167.

Флёра і фаўна

У возеры водзяцца шчупак, акунь, лешч, лінь, язь, плотка, мянтуз ды іншыя віды рыбаў.

Літаратура

• Энцыклапедыя прыроды Беларусі: у 5 т. Т. 5: Стаўраструм ― Яшчур / Рэдкал.: І. П. Шамякін (галоўны рэдактар) і інш. — Мн.: БелСЭ, 1986. — 581 с.