Чачора

Чачо́ра — рака ў Беларусі, правы прыток ракі Сожу (басэйн Дняпра). Цячэ ў Кармянскім, Буда-Кашалёўскім і Чачэрскім раёнах Гомельскай вобласьці. Даўжыня 56 км. Плошча вадазбору 551 км². Выдатак вады ў вусьці 3,2 м³/с. Сярэдні нахіл воднай паверхні 0,7 ‰.

Рака

Чачора
Агульныя зьвесткі
Выток	каля в. Лёсавай Буды
Вусьце	Сож
Краіны басэйну	Беларусь
Вобласьці	Гомельская вобласьць
Даўжыня	56 км
Сярэднегадавы сьцёк	3,2 м³/с
Плошча басэйну	551 км²
Нахіл воднай паверхні	0,7 ‰
Галерэя здымкаў у Вікісховішчы

Асноўныя прытокі

• Правыя: Дулепа, Любіца
• Левыя: Глыбокая

Прымае сьцёк зь сеткі мэліярацыйных каналаў

На рацэ

• Места: Чачэрск
• Вадасховішча: Меркулавічы

Агульныя зьвесткі

Пачынаецца за 2 км на паўночны ўсход ад вёскі Лёсавай Буды Кармянскага раёну, вусьце на ўсходняй ускраіне места Чачэрску. Цячэ Прыдняпроўскай нізінай.

Даліна ў верхняй плыні невыразная, шырынёй 0,5—0,6 км. Схілы пераважна адкрытыя, умерана стромкія і спадзістыя; іх вышыня 7—10 м, месцамі да 15 м. Абалона двухбаковая (шырыня 200—500 м), асушаная, лугавая, асобныя дзялянкі парасьлі хмызьняком. Рэчышча каналізаванае; яго шырыня 3—6 м у верхняй плыні, 7—10 м у сярэдняй і да 15 м у ніжняй. Берагі вышынёй 1—1,5 м. Разводзьдзе звычайна з 2-й дэкады сакавіка да пачатку 3-й дэкады красавіка.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 397.
• Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971.