Цэнтральны банк Турэцкай Рэспублікі
Каардынаты: 39°26′51″ пн. ш. 32°51′8″ у. д. / 39.4475° пн. ш. 32.85222° у. д.
Цэнтральны банк Турэцкай Рэспублікі (па-турэцку: Türkiye Cumhuriyet Merkez Bankası) — цэнтральны банк Турэччыны.
| Цэнтральны банк Турэцкай Рэспублікі | |
| па-турэцку: Türkiye Cumhuriyet Merkez Bankası | |
 Штаб-кватэра ў Анкарэ | |
| Дата ўтварэньня | 3 кастрычніка 1931 (93 гады таму) |
|---|---|
| Тып | банк |
| Юрыдычны статус | дзяржаўная ўстанова |
| Мэта | падтрымка эканамічнага разьвіцьця краіны |
| Штаб-кватэра | Анкара, Турэччына |
| Афіцыйныя мовы | турэцкая |
| Сайт | www.tcmb.gov.tr/ |
Гісторыя
рэдагавацьУ 1840 годзе распачаты выпуск банкнот казначэйства — першых турэцкіх банкнот. Банкноты казначэйства выпускаліся да 1862 году.
У 1847 годзе створаны першы турэцкі банк — Банк Дэсраадэт. У 1856 годзе створаны англа-францускі Атаманскі банк, які выконваў функцыі цэнтральнага банку. У 1863 годзе створаны Дзяржаўны Імпэрскі Атаманскі банк, якому былі перададзены функцыі цэнтральнага банку і права выпуску банкнот.
У пэрыяд Першай сусьветнай вайны манаполія банка на выпуск банкнот была прыпыненая, у 1915 годзе пачаты выпуск банкнот ўраду.
30 сьнежня 1925 году пачаты выпуск банкнот Вялікага Нацыянальнага сходу Турэччыны. 11 чэрвеня 1930 году прынятая пастанова Вялікага Нацыянальнага сходу аб стварэньні цэнтральнага банку. 3 кастрычніка 1931 году заснаваны Цэнтральны банк Турэцкай Рэспублікі, які пачаў апэрацыі 1 студзеня 1932 году[1].
Сучаснасьць
рэдагавацьЦяперашнія паўнамоцтвы і абавязкі цэнтральнага банку вызначаюцца адмысловым законам, прынятым 14 студзеня 1970 году. Згодна з законам, асноўнай мэтай банка зьяўляецца падтрымка эканамічнага разьвіцьця краіны. Для выкананьня гэтай мэты Банк надзелены паўнамоцтвамі па рэгуляваньні валютнага рынку і абароне сумесна з урадам канвэртавальнасьці турэцкай валюты — ліры.
У другой палове 1980 гадоў Банк пачаў апэрацыі на міжбанкаўскім валютным рынку.
Асноўнымі абавязкамі Цэнтрабанка Турцыі зьяўляюцца:
- правядзеньне апеэрацый на адкрытым рынку;
- абарона кошту турэцкай ліры;
- ўсталяваньне палітыкі абменнага курсу;
- вызначэньне рэзэрвовых патрабаваньняў;
- кіраваньне золата-валютным рэзэрвам краіны;
- рэгуляваньне грашовага звароту турэцкай ліры;
- забесьпячэньне стабільнасьці ў фінансавай сыстэме і кантролю над фінансавым рынкам.
Уласнасьць
рэдагавацьУласнасьць цэнтральнага банку Турэцкай Рэспублікі падзелена на 4 пакета акцый. Пакет А належыць выключна турэцкаму казначэйству. Пакеты B і C выдзяляюцца Нацыянальным банкам, якія дзейнічаюць у Турцыі, банкамі, адрознымі ад нацыянальных банкаў і прывілеяваным кампаніям. Акцыі пакету D налеажат камэрцыйным установам Турэччыны, рэальным і юрыдычным асобам турэцкай нацыянальнасьці.
Крыніцы
рэдагаваць- ^ Бутаков Д. Д., Золотаренко Е. Д., Рыбалко Г. П. Валюты стран мира: Справочник / Под ред. С. М. Борисова, Г. П. Рыбалко, О. В. Можайскова. — 5-е изд., перераб. и доп. — М.: Финансы и статистика, 1987. — 383 с.
Вонкавыя спасылкі
рэдагаваць |
Гэта — накід артыкула па эканоміцы. Вы можаце дапамагчы Вікіпэдыі, пашырыўшы яго. |