Цар-агонь
Цар-агонь — сёмы студыйны альбом беларускага этна-трыё «Троіцы», выдадзены 2 лістапада 2018 году.
| Цар-агонь | ||
|---|---|---|
| ||
| Студыйны альбом «Троіцы» | ||
| Выдадзены | 2 лістапада 2018 | |
| Запісаны | 2017—2018 | |
| Жанр | фолк фолк-рок | |
| Мова | беларуская | |
| Выдавец | Вігма SunWoofer | |
| Храналёгія «Троіцы» | ||
| Зімачка (2011) |
Цар-агонь (2018) |
|
Альбом стаў першай працай гурта за сем гадоў і адрозьніваецца ад папярэдняй кружэлкі Зімачка большай камэрнасьцю і аскетычнасьцю гучаньня.[1]
Пра альбом
рэдагавацьУсе сьпевы, прадстаўленыя ў альбоме, былі сабраны Іванам Кірчуком у фальклёрных экспэдыцыях па Беларусі.[1]
Паводле музыкаў, запісваючы альбом, яны не імкнуліся выбудаваць «сьцяну гука», дамагчыся гучаньня вялікага аркестра ці хору. Наадварот, ім жадалася максымальна наблізіцца да слухача, каб пры знаёмстве з альбомам узьнікала адчуваньне, быццам гурт грае недзе побач, «у суседнім пакоі вясковай хаты».[1]
Рэліз
рэдагавацьПрэм’ера першай кампазыцыі «Сьвятая зямля» адбылася 27 сакавіка 2018 году. Саму песьню Іван Кірчук прысьвяціў стагодзьдзю Беларускай Народнай Рэспублікі з наступнымі словамі: «За ўсё, што мы маем i будзем мець — нiзкi паклон продкам!»[2]
Інтэрнэт-рэліз альбома адбыўся 2 лістапада 2018 году, калі ён быў выкладзены для праслухоўваньня на шэрагу музычных платформаў: iTunes, Google Play, Deezer, Amazon і іншых. 30 студзеня 2019 году дыск выйшаў на CD.
Водгукі
рэдагавацьНа міжнародным партале beehy.pe дыск трапіў у васьмёрку найлепшых беларускіх альбомаў па выніках 2018 году. Аўтар артыкула адзначае, што гэта бездакорна выкананы матэрыял, але ў дыскаграфіі гурта ёсьць і больш цікавыя альбомы.[3]
Зьмест
рэдагаваць| № | Назва | Працягласьць | |||||||
|---|---|---|---|---|---|---|---|---|---|
| 1. | «Яшчар» | 7:02 | |||||||
| 2. | «Адаме» | 3:48 | |||||||
| 3. | «Зіма з летам» | 5:33 | |||||||
| 4. | «Цар-агонь» | 9:33 | |||||||
| 5. | «Лета» | 5:44 | |||||||
| 6. | «Шчадруха» | 5:09 | |||||||
| 7. | «А ў нядзельку…» | 9:09 | |||||||
| 8. | «Мядзьведзь» | 9:37 | |||||||
| 9. | «Ой, маю…» | 6:03 | |||||||
| 10. | «Сьвятая зямля» | 7:34 | |||||||
| 69:17 | |||||||||
- Музыка: этна-трыё Троіца
- Словы: народныя.
Удзельнікі запісу
рэдагаваць- Іван Кірчук — вакал, народныя духавыя інструмэнты, гусьлі, смык, домра, варганы
- Юрый Дзмітрыеў — акустычная 6-струнная гітара, домра, вакал
- Юрый Паўлоўскі — пэркусія, дарабука, глюкафон, барабаны, гонг, калімба.
Запіс зроблены ў Studio Super8, Менск, Беларусь (2017—2018)
Запіс, зьвядзеньне і мастэрынг: Барыс Ланькоў.