Царква Сьвятой Параскевы Пятніцы (Лепель)

Помнік сакральнай архітэктуры
Царква Сьвятой Параскевы Пятніцы
Царква Сьвятой Параскевы Пятніцы
Краіна	Беларусь
Места	Лепель
Каардынаты	54°53′12.18″ пн. ш. 28°41′01.76″ у. д.
Канфэсія	Беларускі экзархат
Эпархія	Віцебская і Аршанская япархія[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятой Параскевы Пятніцы на мапе Беларусі Царква Сьвятой Параскевы Пятніцы

Царква Сьвятой Параскевы Пятніцы — помнік архітэктуры XIX стагодзьдзя ў Лепелі. Знаходзіцца на гістарычнай Прудовай вуліца. Дзее. Твор традыцыйнай беларускай драўлянай архітэктуры. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Новую драўляную царкву ў Лепелі збудавалі ў 1840—1841 гадох. У пачатку XX ст. царкву перабудавалі.

Архітэктура

Помнік традыцыйнай беларускай драўлянай архітэктуры. Мае арыгінальную аб’ёмна-прасторавую кампазыцыю — уздоўж падоўжнай плянавальнай восі разьмяшчаюцца: нізкі прастакутны прытвор пад 2-схільным дахам, больш высокі бабінец, над якім узвышаецца 1-ярусная чацьверыковая званіца з купалам, прастакутная малітоўная заля пад 2-схільным дахам, прастакутная апсыда, над якой узвышаецца 8-гранны шатровы барабан з купалам. Фігурна ашаляваныя сьцены праразаюцца квадратнымі, прастакутнымі і гарызантальна выцягнутымі аконнымі праёмамі.

У царкве захоўваюцца абразы: «Маці Божая Смаленская» (XVIII ст.), «Апосталы Пётар і Павал» (1-я палова XIX ст.).

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  213Г000482

• Царква Сьвятой Параскевы Пятніцы ў Лепелі, Radzima.org