Царква Покрыва Багародзіцы (Сянно)
| Помнік гісторыі | |
Царква Покрыва Багародзіцы
| |
.jpg) Пароўская царква
| |
| Краіна | Беларусь |
| Места | Сянно |
| Каардынаты | 54°48′39.40″ пн. ш. 29°41′58.70″ у. д. / 54.8109444° пн. ш. 29.6996389° у. д.Каардынаты: 54°48′39.40″ пн. ш. 29°41′58.70″ у. д. / 54.8109444° пн. ш. 29.6996389° у. д. |
| Дата заснаваньня | 1860 |
Царква Покрыва Багародзіцы на мапе Беларусі   Царква Покрыва Багародзіцы | |
Царква Покрыва Багародзіцы — помнік гісторыі другой паловы XIX стагодзьдзя (мураўёўка) у Сяньне. Знаходзілася ў цэнтры места, на Магілёўскай вуліцы[a]. У 1939—1940 гадох савецкія ўлады разабралі будынак. Твор архітэктуры расейскай эклектыкі.
Гісторыя
рэдагаваць.jpg)
Драўляную царкву Ўрадавага сыноду Расейскай імпэрыі (Маскоўскай царквы) у Сяньне збудавалі ў 1860 годзе.
У 1930-я гады савецкія ўлады зачынілі царкву, а ў 1939—1940 гадох разабралі будынак.
Архітэктура
рэдагавацьПрыклад эклектычнай царкоўнай архітэктуры Расейскай імпэрыі. Гэта быў 3-зрубны будынак у форме выцягнутага крыжа, накрыты 2-схільным дахам. Да асноўнага аб’ёму далучаліся прытвор і апсыда. Над асноўным аб’ёмам знаходзіўся 8-гранны барабан з васьмю аконнымі праёмамі, шатровым завяршэньнем і купалам-цыбулінай. Прастакутныя вокны аздабляліся ліштвамі. Над прытворам узвышаўся другі барабан у форме чацьверыка, з чатырма аконнымі праёмамі, шатровым завяршэньнем і купалам-цыбулінай.
Тэрыторыю царквы атачала драўляная агароджа[1].
Заўвагі
рэдагаваць- ^ Цяпер на гэтым месцы стаіць будынак, у якім разьмяшчаецца рэдакцыя раённай газэты «Голас Сенненшчыны»
Крыніцы
рэдагаваць- ^ Бандарэвіч В. Экскурсія да вытокаў горада Сянно. — Менск, 2008. С. 80—83.
Літаратура
рэдагаваць- Бандарэвіч В. Экскурсія да вытокаў горада Сянно. — Менск: Літаратура і мастацтва, 2008. — 168 с. ISBN 978-985-6720-56-0.