Франк Дзюбоск

Франк Дзюбо́ск (па-француску: Franck Dubosc; нарадзіўся 7 лістапада 1963 году) — францускі актор і камэдыянт.

Франк Дзюбоск
Дата нараджэньня	7 лістапада 1963(1963-11-07)[…] (61 год)
Месца нараджэньня	Лё-Пэці-Кевіі[d]
Месца вучобы	Руанская кансэрваторыя[d]
Занятак	комік, артыст кабарэ, сцэнарыст, кінарэжысэр, актор, кінаактор, тэлеактор
IMDb	ID nm0239498
Сайт	franck-dubosc.com
Франк Дзюбоск у Вікісховішчы

Біяграфія

Нарадзіўся ў гарадку ў Нармандыі, дзе навучаўся ў каледжы і ліцэі. У юнацтве займаўся дзюдо, а пазьней дэбютаваш на сцэне тэатру. Пасьля атрыманьня дыплёму бакаляўра пачаў вывучаць ангельскую мову, але закінуў навучаньне праз тры месяцы, каб паступіць у кансэрваторыю ў Руане. У канцы 1970-х гадоў пачаў здымацца ў кіно і тэлешоў, зьявіўшыся ў 1979 годзе ў пазнавальным тэлешоў у ролі пілёту касьмічнага карабелю. У 1987 годзе Дзюбоск вырашыў зьехаць у Вялікабрытанію, дзе ўладкаваўся на працу ў брытанскую мыльную опэру «Вуліца Каранацыі», дзе выконваў ролю францускага палюбоўніка. У той жа час ён зьяўляўся ў якасьці рэпартэра праграмы «Europ Express» на брытанскім тэлеканале Channel 4.

У 1992 годзе зьняўся ў праграме на францускім тэлеканале TF1. З 1994 году пачаў зьяўляцца на стэндап-шоў у францускае сталіцы, стаўшы адным ў папулярных комікаў. У 1998 годзе ў тэатры ўпершыню выканаў ролю ў монаспэктаклі. У канцы 1990-х гадоў склаў некалькі невялікіх дамоваў, у прыватнасьці рэкламны кантракт дзеля кампаніі Intermarché. У 2002 годзе ён прадставіў свой новы спэктакль «Рамантык», зь якім выступіў у клюбе Батаклян у 2004 годзе, потым у Алімпіі ў 2005 годзе і, нарэшце, у Палацы спорту ў 2006 годзе. У тым жа 2006 годзе ён дэбютаваў у фільме, зьняўшыся ў папулярнай камэдыі «Кэмпінг». Наступнымі фільмамі актору сталі «Дыска» (2008), дзе ён выканаў галоўную ролю, і «Астэрыкс на Алімпійскіх гульнях» (2008). Таксама зьняўся ў працягах «Кэмпінг 2» (2010) і «Кэмпінг 3» (2016). Акрамя таго, выканаў адну з роляў папулярнага фільму «Чужынцы 3: Узяцьцё Бастыліі». У 2020 годзе выканаў галоўную ролю ў фільме «10 дзён бяз маці».

Вонкавыя спасылкі

• Афіцыйны сайт.
• Франк Дзюбоск (анг.) на сайце IMDb