Фарэрская мова

Фарэ́рская мо́ва (састарэлая таксама фэрэ́йская, (саманазва: føroyskt, føroyskt mál; вымаўл. [ˈføːɹɪst ˈmɔaːl]) — мова скандынаўскае групы германскае галіны індаэўрапейскае моўнае сям’і, што распаўсюджаная на Фарэрскіх астравох, якія ўваходзяць у склад Даніі. На саміх Фарэрах пражывае 49 000 чалавек (перапіс 2009 году), для 98% зь якіх фарэрская зьяўляецца роднай мовай.

Фарэрская мова
føroyskt
Ужываецца ў	Даніі
Рэгіён	Фарэрскія астравы
Колькасьць карыстальнікаў	66 150
Клясыфікацыя	Індаэўрапейская сям'я Германская галіна Скандынаўская група Заходняя падгрупа Фарэрская мова
Афіцыйны статус
Афіцыйная мова ў	Фарэрскіх астравох
Дапаможная мова ў	Даніі
Рэгулюецца	Радай па фарэрскай мове
Статус:	1 дзяржаўная[d]
Пісьмо	лацінскае пісьмо
Коды мовы
ISO 639-1	fo
ISO 639-2(Б)	fao
ISO 639-2(Т)	fao
ISO 639-3	fao

Поруч з нарвэскай, ісьляндзкай мовамі, а таксама зьніклай мовай норн паходзіць са старажытнаскандынаўскае мовы. Фарэрская ды ісьляндзкая мова дагэтуль зьяўляюцца лінгвістычна найбліжэйшымі адна да адной. Тым ня менш, гэтая блізкасьць не захоўваецца ў вымаўленьні, а толькі ў артаграфіі з прычыны этымалягічнай асновы правапісу фарэрскае мовы.