Уладзімер Вуйтэк

Уладзімер Вуйтэк
Уладзімер Вуйтэк
Рост	183 см
Вага	89 кг
Пазыцыя	Правы нападнік
Кідок/Ловы	правы
Грамадзянства	Чэхія;
Дата нараджэньня	17 лютага 1972 (52 гады)
Месца нараджэньня	Острава, Чэхаславаччына
Выступаў за	Віткавіцы (1988—1991); Манрэаль Канадыенз (1991—1992); Эдмантан Ойлерз (1992—1993); Віткавіцы (1994—1996); Эсят Поры (1996—1997); Тампа Бэй Лайтнінг (1997—1998); Віткавіцы (1998—1999); Атланта Трэшэрз (1999—2000); Спарта Прага (2000—2001); ХПК Хямэенліна (2001—2002); Пітсбург Пінгвінз (2002); Віткавіцы (2002—2003); Северсталь Чарапавец (2002—2003); ХПК Хямэенліна (2003—2004); Хімік Васкрасенск (2003—2004); Віткавіцы (2004—2005); Цюрых Лаянз (2004—2005); Віткавіцы (2005—2006); Ацэларжы Тршынец (2006—2007);
Нацыянальная зборная	Чэхія
Драфт НХЛ	73-і, 1991; Манрэаль Канадыенз
Гульнявая кар’ера	1992—2007

Ула́дзімер Ву́йтэк (па-чэску: Vladimír Vůjtek; нарадзіўся 17 лютага 1972 году, Острава, Чэхаславаччына) — былы чэскі хакейны правы нападнік. Сын трэнэра зборнай Славаччыны Уладзімера Вуйтэка.

Кар’ера рэдагаваць

Перад пераездам за акіян Вуйтэк два сэзоны адгуляў за клюб Чэхаславацкай экстралігі «Віткавіцы». У Паўночнай Амэрыцы дэбютаваў за клюб Заходняй хакейнай лігі «Тры-Сыці Амэрыканз», а ў сэзоне 1991—1992 рокаў згуляў дзьве гульні за клюб Нацыянальнай хакейнай лігі «Манрэаль Канадыенз», пасьля чаго вярнуўся ў «Амэрыканз». Перад наступным сэзонам Вуйтэк перайшоў у клюб «Эдмантан Ойлерз» і за два гады адгуляў у ім 70 матчаў. Падчас лякаўту 1994—1995 рокаў вярнуўся ў Эўропу, дзе выступаў за свой былы клюб «Віткавіцы», а таксама ў фінскай СМ-Лізе за «Эсят Поры».

На Чэмпіянаце сьвету 2007 року Чэхія выйшла з групы зь першага месца, а ў плэй-оф галоўным чынам дзякуючы хэт-трыку Вуйтэка перамагла Канаду, аднак ён сам у выніку некалькіх сутычак атрымаў у гэтым матчы страсеньне мозгу. Тым ня меней, у складзе зборнай ён стаў бронзавым прызэрам, а таксама быў прызнаны найлепшым гульцом і найбольш прадуктыўным гульцом (абодва — разам з Марцінам Прахазкам) ды ўвайшоў у зборную ўсіх зорак турніру.

У 1997 Уладзімер Вуйтэк вярнуўся ў НХЛ, згуляў 30 матчаў за «Тампа Бэй Лайтнінг», пасьля чаго ў яго быў выяўлены хранічны Вірус Эпштайна — Бар^[1], з-за чаго Вуйтэк прапусьціў рэшту сэзону. Разьвітаўшыся з «Маланкамі», ён на сэзон вярнуўся ў «Віткавіцы».

У 1999 Уладзімер Вуйтэк падпісаў кантракт з «Атланта Трэшэрз». У перадсэзоннай гульні зь «Нью-Ёрк Рэйнджэрз» Вуйтэк быў траўмаваны каньком нападніка Валерыя Каменскага і адвезены ў шпіталь, дзе знаходзіўся на апэрацыі цягам 2,5 гадзінаў, цягам якіх на правую шчаку яму былі накладзеныя 100 швоў^[2]. Адгуляўшы тры гульні рэгулярнага сэзону, Вуйтэк зноў вярнуўся ў Чэхію.

У Экстралізе ён два сэзоны выступаў за праскую «Спарту», пасьля чаго меў пасьпяховы сэзон у «ХПК Хямэенліна». Трэцяе вяртаньне Вуйтэка ў НХЛ адбылося ў 2002 року падпісаньнем кантракту на адзін год з «Пітсбург Пінгвінз». Паказаўшы шматабяцальныя вынікі ў трэніровачных гульнях перадсэзонкі^[3], ён ня здолеў адзначыцца ў рэгулярным сэзоне. Згуляўшы ў тройцы з Аляксеем Кавалёвым і Вільле Нэймінэнам пяць гульняў, у якіх аддаў адзін пас, Вуйтэк вырашыў спыніць супрацу з клюбам.

Вярнуўшыся ў Эўропу, Уладзімер Вуйтэк гуляў у чэмпіянатах Чэхіі, Фінляндыі, Расеі і Швайцарыі. Свой апошні сэзон 2006—2007 правёў за клюб чэскай Экстралігі «Ацэларжы Тршынец».

Узнагароды рэдагаваць

Першая каманда ўсіх зорак Заходняй хакейнай лігі 91/92
Трэцяя зборная ўсіх зорак Цэнтральнай хакейнай лігі 91/92
Зборная ўсіх зорак Чэмпіянату сьвету 96/97
Бронзавы мэдаль Чэмпіянату сьвету 96/97
Найлепшы бамбардыр Чэмпіянату сьвету 96/97
Найбольш выніковы гулец Чэмпіянату сьвету 96/97
Чэмпіён чэскай Экстралігі 99/00
Зборная ўсіх зорак СМ-Лігі 01/02
Бронзавы мэдаль СМ-Лігі 01/02
Гулец месяцу СМ-Лігі 01/02

Крыніцы рэдагаваць

Вонкавыя спасылкі рэдагаваць

Статыстыка ў HockeyDB
Статыстыка ў Eurohockey
Статыстыка ў EliteProspects

[Penguins-1] Post-Gazette.com: Vůjtek Signed With Penguins Despite Bad Run Of Luck In NHL

[2] SouthCoastToday.com: Daily Sports Capsule, 9-20-1999

[3] Post-Gazette.com Penguins Notebook: 2 Young Players Make Mark

[1]

[2]

[3]

Уладзімер Вуйтэк
Рост	183 см
Вага	89 кг
Пазыцыя	Правы нападнік
Кідок/Ловы	правы
Грамадзянства	Чэхія
Дата нараджэньня	17 лютага 1972 (52 гады)
Месца нараджэньня	Острава, Чэхаславаччына
Выступаў за	Віткавіцы (1988—1991) Манрэаль Канадыенз (1991—1992) Эдмантан Ойлерз (1992—1993) Віткавіцы (1994—1996) Эсят Поры (1996—1997) Тампа Бэй Лайтнінг (1997—1998) Віткавіцы (1998—1999) Атланта Трэшэрз (1999—2000) Спарта Прага (2000—2001) ХПК Хямэенліна (2001—2002) Пітсбург Пінгвінз (2002) Віткавіцы (2002—2003) Северсталь Чарапавец (2002—2003) ХПК Хямэенліна (2003—2004) Хімік Васкрасенск (2003—2004) Віткавіцы (2004—2005) Цюрых Лаянз (2004—2005) Віткавіцы (2005—2006) Ацэларжы Тршынец (2006—2007)
Нацыянальная зборная	Чэхія
Драфт НХЛ	73-і, 1991 Манрэаль Канадыенз
Гульнявая кар’ера	1992—2007