Сяргей Ляховіч

	Сяргей Ляховіч
Пэрсанальная інфармацыя
Поўнае імя	Сяргей Пятровіч Ляховіч; «Белы воўк» (анг. White Wolf)
Нарадзіўся	29 траўня 1976 (48 гадоў); Віцебск, Беларуская ССР, СССР
Грамадзянства	Беларусь
Рост	193 см
Вага	супэрцяжкая (91 кг)
Прафэсійная інфармацыя
Спэцыялізацыя	бокс
Прафэсійная кар’ера	З 1998-га
	Узнагароды і мэдалі бронзавы мэдаль першынстваў сьвету па боксе 1997 году ў катэгорыі супэрцяжкая вага, чэмпіён сьвету 2006 году ў катэгорыі супэрцяжкая вага па вэрсіі WBO.

Сярге́й Ляхо́віч (нарадзіўся 29 траўня 1976 году) — беларускі баксэр, чэмпіён сьвету 2006 року ў суперцяжкой вазе па вэрсіі WBO.

Вікіпэдыя мае артыкулы пра іншых асобаў з прозьвішчам Ляховіч.

Аматарская кар’ера

Аматарскі рэкорд: 160 баёў, 145 перамог — 15 паразаў
Здабыў бронзавы мэдаль на першынствах сьвету па боксе 1997, у Будапэшце
На чэмпіянаце Эўропы 1998 перамог будучага алімпійскага чэмпіёна, брытанца, Одлі Гарысана.

Прафэсійная кар’ера

Дэбютаваў 25 сьнежня 1998 году. Да 2001 року праводзіў рэйтынгавыя баі, у якіх ва ўсіх перамог. У 2001 року перамог Сэдрыка Філдса. У ліпені накаўтаваў ў першым раўндзе Эда Ўайта.

У студзені 2001 року зь невялікай перавагай перамог нігерыйца Фрайдэя Ахунанья. У чэрвені 2002 року пацярпеў паразу ў двубоі з Гарысам Морысам. Гэта была яго першая параза ў прафэсійнай кар’ере. Пасьля гэтага правёў 5 пераможных двубояў у сьнежні 2004 року. Пасьля амаль 1,5 року не выходзіў на рынг. Але ў красавіку 2006 року перамог па пунктах чэмпіёна сьвету ў цяжкой вазе па вэрсіі WBO Леймана Брустэра. У першым раўндзе Ляховіч абсыпаў Брустэра градам удараў. Пазьней у інтэрвію Брустэр казаў, што ўжо пасьля першага ж раўнду ён ня бачыў правым вокам, і ў яго было дыягнаставана адслаеньне сятчаткі вока. У 7-м раўндзе Брустэр даволі ўдала атакаваў Сяргея, але ў наступным раўндзе Ляховіч здолеў ізноў вярнуць сабе ініцыятыву й стаў новым чэмпіёнам сьвету па вэрсіі WBO.