Сьнегавік

Сьнегаві́к (ён жа — Сьне́жная ба́ба) — простая сьнежная скульптура, якая ствараецца зімой — у асноўным дзецьмі. Лепка сьнегавікоў — дзіцячая зімовая гульня, якая дайшла да нас са старажытных часоў.

Найпрасьцейшы сьнегавік складаецца з трох сьнежных шароў (комаў), што атрымліваюцца шляхам лепкі сьнежак і накатваньня на іх сьнегу, які лежыць. Самы вялікі ком становіцца брушкам сьнегавіка, паменш — грудзямі, а самы маленькі — галавой. Рэалізацыі астатніх частак цела могуць вар’іраваць, але ёсьць кананічнае ўяўленьне пра сьнегавікоў, якому рэальныя сьнегавікі могуць не адпавядаць, але яно распаўсюджана ў казках і мультфільмах.

Рукі сьнегавіка могуць быць прадстаўлены дзьвюма галінкамі, але часам робяцца сымбалічныя рукі з двух невялікіх камякоў сьнегу. У «рукі» сьнегавіка часта даецца рыдлёўка або венік, якую ўтыкаюць у сьнег побач зь фігурай. Часам сьнегавік забясьпечваецца дзьвюма ступнямі зь сьнежных камякоў, як бы выглядалі з-пад падлогі яго футра. Канон патрабуе, каб нос сьнегавіка быў зроблены з морквы (морква добра захоўвалася да зімы ў старажытнарускіх сялянскіх гаспадарках), але ў рэальнасьці сучасных умоў часьцей выкарыстоўваюцца больш даступныя падручныя матэрыялы (каменьчыкі, палачкі, вугольчыкі), якімі абазначаюцца й іншыя рысы твару. На галаву сьнегавіка часам апранаюць вядзерца.

Часта выступае ў якасьці спадарожніка Дзеда Мароза.

Сьнегавікі-рэкардсмэны

Адзін з самых вялікіх сьнегавікоў скруцілі ў лютым 1999 у горадзе Бэталь штату Мэн (ЗША). Яго назвалі «Энгус, Кароль Гары» ў гонар Энгуса Кінга, які быў тады губэрнатарам Мэну. Сьнегавік быў 35 мэтраў вышынёй і больш за 4000 т вагой.^[1]

У 2008 годзе там жа зрабілі яшчэ буйнейшага сьнегавіка: вышынёй 37 м і вагой 6000 т^[2].

Напярэдадні Каляд-2010 ангельскім вучоным Дэвідам Коксам, членам квантавага аддзяленьня Нацыянальнай фізычнай лябараторыі Лёндану, сумесна з калегамі быў створаны сымваль сьнегавіка зь дзьвюх гарошын сплаву волава памерам 0,01 мм. Нос сьнегавіка зроблены з плятыны, дыямэтар яго складае ўсяго 0,001 мм. Твар і ўсьмешка сьнегавіка былі выразаныя з дапамогай сфакусаванага пучка іёнаў.^[3]

Юнікод

Сымбаль сьнегавіка ў Юнікодзе: U+2603.(☃)

Крыніцы

^ Angus, King of the Mountain — World’s Largest Snowman (1999-02-19). Sunday River On-Line
^ 2008 World’s Tallest SnowWoman
^ Самый маленький в мире снеговик (2009-12-04). Новости технологий

[1] Angus, King of the Mountain — World’s Largest Snowman (1999-02-19). Sunday River On-Line

[2] 2008 World’s Tallest SnowWoman

[3] Самый маленький в мире снеговик (2009-12-04). Новости технологий

[1]

[2]

[3]