Сьвята-Духаўскі манастыр базылянак (Менск)

манастыр
Сьвята-Духаўскі манастыр базылянак
Панадворак
Краіна	Беларусь
Горад	Менск
Каардынаты	53°54′14.42″ пн. ш. 27°33′28.51″ у. д. / 53.9040056° пн. ш. 27.5579194° у. д. / 53.9040056; 27.5579194Каардынаты: 53°54′14.42″ пн. ш. 27°33′28.51″ у. д. / 53.9040056° пн. ш. 27.5579194° у. д. / 53.9040056; 27.5579194
Дата заснаваньня	XVII ст.
Статус	ахоўваецца дзяржавай
Сьвята-Духаўскі манастыр базылянак на мапе Беларусі Сьвята-Духаўскі манастыр базылянак
Сьвята-Духаўскі манастыр базылянак на Вікісховішчы

Сьвя́та-Ду́хаўскі манасты́р базыля́нак — колішні грэка-каталіцкі (уніяцкі) манастырскі комплекс у Менску, помнік архітэктуры Рэнэсансу рэспубліканскага значэньня^[1].

Гісторыя

Заснаваны ў 1641 г. на Высокім Рынку ўніяцкім мітрапалітам Антонам Сялявам. Першая ігуменьня Кацярына Сапега пералічыла манастыру 10000 злотых. Першапачатковы манастыр быў разьмешчаны ў мураваных жылых дамах, збудаваных у 2-й пал. XVI — пал. XVII ст. на паўночна-ўсходнім баку Высокага рынку. Мураваны будынак манастырскага корпусу збудаваны каля 1650 г. (выкарыстаныя склепы й сьцены папярэдніх будынкаў^[2].

Архітэктура

Галерэя, якая злучае манастырскі корпус з храмам

Будынак кляштару (вул. Энгельса, 1) уяўляе сабой двухпавярховы П-падобны ў пляне аб’ём, накрыты двухсхільным дахам. Кутняя частка будынку акцэнтаваная высокім фігурным франтонам. Плоскасьці сьценаў пазбаўленыя дэкору, члянёны прастакутнымі аконнымі праёмамі бязь ліштваў. Падоўжны фасад будынку падзелены міжпаверхавай цягай. Па пэрымэтры будынку праходзіць шматслойны масіўны карніз. Галоўны ўваход аформлены мэталёвым казырком на фігурных кранштэйнах^[1].

Сьвята-Духаўскі манастыр базылянак злучаўся крытай галерэяй з Царквой Сьвятога Духа^[2].

Крыніцы

^ ^а ^б Дзяржаўны сьпіс гісторыка-культурных каштоўнасьцяў Рэспублікі Беларусь / склад. В. Абламскі, І. Чарняўскі, Ю. Барысюк. — Менск: БелТА, 2009. — 684 с. — ISBN 978-985-6828-35-8
^ ^а ^б Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.

Вонкавыя спасылкі

Сьвята-Духаўскі манастыр базылянак , Radzima.org

[Сьпіс-1] а ^б Дзяржаўны сьпіс гісторыка-культурных каштоўнасьцяў Рэспублікі Беларусь / склад. В. Абламскі, І. Чарняўскі, Ю. Барысюк. — Менск: БелТА, 2009. — 684 с. — ISBN 978-985-6828-35-8

[Архітэктура-2] а ^б Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.

[1]

[2]