Сцыпіёны

Сцыпіёны (Scipio del Campo) — шляхецкі род гербу ўласнага, які ў сярэдзіне XVIII ст. увайшоў у шэрагі магнатаў Вялікага Княства Літоўскага.

Сцыпіёны
Герб «Сцыпіён»
Краіна паходжаньня	Вялікае Княства Літоўскае

Пачынальнікам роду на Літве, паводле афіцыйнай генэалягічнай вэрсіі, быў італьянскі нашчадак рымскіх Сцыпіёнаў нэапалітанскі шляхціч Пётар Сцыпіён дэль Кампа — маршалак двара каралевы Боны Сфорца і губэрнатар княства Бары ў Італіі, яе спадчыннага ўладаньня. Пётар трапіў у Каралеўства Польскае ў 1518 разам з каралевай.

Найбольш гучны варыянт родавага прозьвішча гучаў як «графы дэль Кампа Сцыпіё». У 2-й палове XVIII ст. часьцей ужывалася форма «Сцыпіё дэ Кампа», а ў XIX ст. — «дэ Кампа Сцыпіён».

Найбольш вядомыя прадстаўнікі

• Ян Сцыпіён (?—1738) — кашталян смаленскі
• Юзэф Сцыпіён (?—1743) — маршалак дворны літоўскі
• Ігнаці Сцыпіён (1728—1791) — падстолі вялікі літоўскі

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
• Данскіх С. Данскіх Сяргей. Шляхта італьянскага паходжання ў Лідскім павеце ВКЛ: пытанні рэцэпцыі і асіміляцыі // «Герольд Litherland» № 17, 2006. С. 57—68.

Вонкавыя спасылкі

Сцыпіёны — сховішча мультымэдыйных матэрыялаў

• Гербы беларускае шляхты(недаступная спасылка)