Сутыкненьне аўтобусаў у Маларыцкім раёне

	Сутыкненьне аўтобусаў у Маларыцкім раёне
Краіна	Беларусь
Месца	Маларыцкі раён, перасячэньне дарогаў Кобрынь — Маларыта і Берасьце — Макраны
Тып катастрофы	транспартная катастрофа
Прычына	сутыкненьня аўтобуса і мікрааўтобуса
Дата	23 красавіка 2011
Час	13.20 (EEST)
Наступствы
Загінулі	7
Параненыя	8

Сутыкненьне аўтобусаў у Маларыцкім раёне — дарожна-транспартнае здарэньне, што адбылася на перасячэньні дарогаў Кобрынь — Маларыта і Берасьце — Макраны ў Маларыцкім раёне Берасьцейскай вобласьці Беларусі. У выніку сутыкненьня мікрааўтобуса «Фольксваген-Каравэла» і аўтобуса «Ікарус» загінулі 7 чалавек і былі параненыя 8 чалавек. Па факце здарэньня была распачатая крымінальная справа па частцы 3 артыкула 317 Крымінальнага кодэксу Рэспублікі Беларусь^[1].

Храналёгія

23 красавіка ў 13.20 па мясцовым часе кіроўца мікрааўтобуса «Фольксваген-Каравэла» падчас руху па другараднай дарозе праігнараваў знак «Рух без прыпынку забаронены», выехаў на скрыжаваньне і сутыкнуўся з украінскім рэйсавым аўтобусам «Ікарус», які рухаўся па маршруце Ковель — Берасьце. Начальніца аддзяленьня агітацыі і прапаганды ДАІ Берасьцейскага УУС Натальля Сахарчук паведаміла, што:^[2]

Ад удару рэйсавы аўтобус разьвярнула, ён зьехаў у кювет і перакуліўся на дах. «Фольксваген-Каравэла» праехаў наперад прыкладна пяць мэтраў і спыніўся на сваёй паласе руху.

У выніку аварыі на месцы загінулі кіроўца «Фольксвагена» і пяць зь дзевяці пасажыраў. У ліку загінулых трое дзяцей і двое дарослых. З траўмамі рознай ступені цяжкасьці ў Берасьцейскую абласную лякарню шпіталізаваны чатыры пасажыры «Фольксвагена». Сярод іх — дзяўчынка, дзьве жанчыны, а таксама адзін мужчына^[2].

У «Ікарусе» ехала сем пасажыраў. Адна зь іх загінула на месцы аварыі. Кіроўца аўтобуса і тры пасажыры шпіталізаваны з траўмамі. Астатнія тры пасажыры рэйсавага аўтобуса не пацярпелі^[2].

Крыніцы

^ ^а ^б ^в Семь человек погибли в результате ДТП в Малоритском районе (рас.). TUT.BY (24 красавіка 2011). Праверана 24 красавіка 2011 г.
^ ^а ^б ^в Страшная аварыя пад Вялікдзень: сем чалавек, у тым ліку трое дзяцей, насмерць пад Маларытай. Наша Ніва (24 красавіка 2011). Праверана 24 красавіка 2011 г.

[reftut-1] а ^б ^в Семь человек погибли в результате ДТП в Малоритском районе (рас.). TUT.BY (24 красавіка 2011). Праверана 24 красавіка 2011 г.

[refniva-2] а ^б ^в Страшная аварыя пад Вялікдзень: сем чалавек, у тым ліку трое дзяцей, насмерць пад Маларытай. Наша Ніва (24 красавіка 2011). Праверана 24 красавіка 2011 г.

[1]

[2]