Суземскі раён

Суземскі раён — адміністрацыйна-тэрытарыяльная адзінка на паўднёвым усходзе Бранскай вобласьці Расеі. Адміністрацыйны цэнтар — мястэчка Суземка.

Суземскі раён
Суземский район
Агульныя зьвесткі
Краіна	Расея
Статус	раён
Уваходзіць у	Бранскую вобласьць
Адміністрацыйны цэнтар	Суземка
Дата ўтварэньня	1929
Насельніцтва	18 800
Плошча	1339,32 км²
Месцазнаходжаньне Суземскага раёну
Мэдыя-зьвесткі
Часавы пас	UTC +3
Тэлефонны код	+7 48353
Код аўтам. нумароў	32
Афіцыйны сайт
Дадатковыя мультымэдыйныя матэрыялы

Геаграфія

Мяжуе зь Сеўскім раёнам на паўднёвым усходзе, Камарыцкім раёнам на ўсходзе, Брасаўскім раёнам на паўночным усходзе, Трубчэўскім раёнам на захадзе, Наўлінскім раёнам на поўначы, Сярэдзіна-Будзкім раёнам Сумской вобласьці Ўкраіны на поўдні.

Плошча тэрыторыі — 1339,32 км².

Гідралёгія

Парась на Севе (1996)

Па тэрыторыі раёну цякуць некалькі рэчак:

• Бобрык
• Няруса (прыток Дзясны)
• Сеў (прыток Нярусы)
• Тара
• Уль

Флёра і фаўна

На тэрыторыі Трубчэўскага і Суземскага раёнаў разьмяшчаецца запаведнік «Бранскі лес».

Экалёгія

Пасьля катастрофы на Чарнобыльскай АЭС частка раёну апынулася ў зоне забруджаньня ізатопамі стронцыя-90 і цэзія-137. Плошча забруджаных лясных тэрыторыяў на 1 студзеня 2004 году складала 4059 га са шчыльнасьцю забруджваньня да 5 Кы/км².

Гісторыя

Суземскі раён быў утвораны ў 1929 годзе ў складзе Бранскай акругі Заходняй вобласьці, у 1937 годзе ўвайшоў у склад Арлоўскай вобласьці, а з 1944 году знаходзіцца ў складзе Бранскай вобласьці. Неаднаразова расфармоўваўся і ўзнаўляўся.

Адміністрацыйна-тэрытарыяльны падзел

Па муніцыпальнай рэформе (2005) у раёне маецца 2 мескія і 5 сельскіх паселішчаў:

Мескія паселішчы:

• Кокараўскае мескае паселішча
• Суземскае мескае паселішча

Сельскія паселішчы:

• Алешковіцкае сельскае паселішча
• Новапагошчанскае сельскае паселішча
• Няўдольскае сельскае паселішча
• Селячанскае сельскае паселішча
• Холмецкае сельскае паселішча

Транспарт

Па тэрыторыі раёну праходзіць чыгуначная лінія Бранск — Кіеў; ад станцыі Суземка адыходзіць чыгунка на места Трубчэўск і мястэчка Белая Бярозка. Па чыгунцы ажыцьцяўляецца грузавое злучэньне (пасажырскае злучэньне спыненае ў 2004 годзе).

Усе буйныя дарогі раёнe асфальтаваныя:

• Суземка — М3 «Украіна»
• Суземка — Трубчэўск
• Суземка — Холмечы
• Суземка — Зярнова

Дзейнічаюць аўтобусныя маршруты «Суземка — Зярнова», «Суземка — Дзянісаўка», «Суземка — Сеўск» і некалькі іншых.

Вонкавыя спасылкі

Суземскі раён — сховішча мультымэдыйных матэрыялаў

• Гісторыя адміністрацыйных пераўтварэньняў Бранскай вобласьці(недаступная спасылка) (рас.)