Стары Томас

Славутасьць
Стары Томас Vana Toomas
Трэці флюгер, усталяваны ў 1996 року
Краіна	Эстонія
Места	Талін
Каардынаты	59°26′13.53″ пн. ш. 24°44′43.69″ у. д.
Дата заснаваньня	1530
Стан	дзейны
Сайт	veeb.tallinn.ee/raekoda/…
Стары Томас на мапе Эстоніі Стары Томас
Стары Томас на Вікісховішчы

Стары́ То́мас (па-эстонску: Vana Toomas) — флюгер на вяршыні Талінскае ратушы, адзін з сымбаляў Таліну.

Легенда

Талінская ратуша і Стары Томас на марцы СССР

Паводле паданьня, штовясну ў сярэднявечным Таліне, на плошчы ля Вялікай Марской брамы, нямецкая шляхта ладзіла спаборніцтвы на лепшага лучніка места. Самаму трапнаму стральцу, які здолеў пацэліць у драўляную фігурку папугая, усталяваную на верхавіне высокага шасту, уручалі вялікі срэбны кубак. Аднойчы, калі рыцары толькі выстраіліся ў шэраг і падрыхтаваліся да стральбы, папугай раптам зваліўся, праткнуты стралой звычайнага талінскага юнака — жабрака па імю Тоомас. Паколькі чалавек нешляхетнага паходжаньня ня мог удзельнічаць у турніры, Тоомасу прапанавалі пажыцьцёвую службу ў мескай варце, што для бядноты было вялізным гонарам.

Тоомас частаваў цукеркамі дзетак, якія праходзілі па Ратушнай плошчы, і стаў іхнім улюбёнцам. З цягам часу ён пастарэў, і дзеці сталі зваць яго «Старым Тоомасам». Пасьля ягонае сьмерці дарослыя паставілі флюгер у выглядзе ягонай фігуры на вежу ратушы, каб пазьбегнуць тлумачэньняў пра чалавечую сьмерць. Цяпер бацькі маглі казаць дзецям, што Стары Тоомас глядзіць на іхнія паводзіны зьверху і паслухмяным дзеткам кладзе цукеркі пад падушку.

Мінуўшчына

У 1944 року падчас бамбаваньня шпіль быў пашкоджаны. У 1952 на адрэстаўраваную вежу была пастаўленая копія старога флюгеру, а першы Стары Томас пакінуты на захаваньне ў ратушы. У 1996 пасьля абнаўленьня шпілю на яго была пастаўленая трэцяя фігура Старога Томаса. Старая фігура 1952 року захоўваецца ў мескім музэі Таліну.

Вонкавыя спасылкі

Стары Томас — сховішча мультымэдыйных матэрыялаў