Старажытная Эстонія
Тэрмін старажытная Эстонія ахоплівае пэрыяд гісторыі Эстоніі да зьяўленьня на яе тэрыторыі пісьмовасьці пры заваёве крыжакамі ў час Паўночных крыжовых паходаў у XIII ст.[1].
Найбольш раньнія сьляды наяўнасьці людзей на землях Эстоніі зьвязаныя з кундзкай культурай (названа па г. Кунда ў Эстоніі). Найболей старым вядомым селішчам лічыцца Пуліскае селішча, якое знаходзіцца на берагах ракі Пярну, побач з горадам Сіндзі на паўднёвым захадзе Эстоніі. Яно датуецца пэрыядам прыкладна 9500—9600 гадоў да нашай эры[2][3]. Таксама з кундзкай культурай злучана селішча Ламмсьмяэ на поўначы Эстоніі, датаванае не пазьней за 8500 г. да н. э.[4]. Касьцяныя і каменныя вырабы кудазкай культуры былі таксама выяўлены ў іншых месцах Эстоніі, а таксама ў Латвіі, на поўначы Летувы і на поўдні Фінляндыі. Для вырабу рэжучых прыладаў выкарыстоўваліся галоўным чынам крамень і кварц. На думку лінгвіста Пола Арыстэ, некалькі словаў з мовы, на якой гаварылі людзі ў пэрыяд кундзквй культуры, засталіся ў эстонскай мове. Адно з гэтых словаў kula (вёска) сьведчыць, па ацэнцы Тарма Кумара, пра наяўнасьць паўкачавой формы калектыўнага жыцьця[5].
Крыніцы
рэдагаваць- ^ History of Estonia By Mati Laur, p. 11. ISBN 9985203240
- ^ Early Holocene coastal settlements and palaeoenvironment on the shore ofthe Baltic Sea at Parnu, southwestern Estonia. gi.ee. Праверана 2013-9-29 г.
- ^ STONE AGE SETTLEMENT AND ECONOMIC PROCESSES IN THE ESTONIAN COASTAL AREA AND ISLANDS
- ^ Estonia: Identity and Independence, p. 24. ISBN 9042008903
- ^ Tarmo Kulmar, «The Time of Shadows» in Estonia: Identity and Independence, p 23
Літаратура
рэдагаваць- History of Estonia 2nd Edition. Tõnu Tannberg, Ain Mäesalu, Tõnis Lukas, Mati Laur and Ago Pajur, ISBN 9985-2-0606-1, A/S BIT, Tallinn, 2002;
- Estonia: Identity and Independence(недаступная спасылка), ed. Jean-Jacques Subrenat, trans. David Cousins, Eric Dickens, Alexander Harding, and Richard Waterhouse (Amsterdam: Rodopi, 2004)
Вонкавыя спасылкі
рэдагаваць
Старажытная Эстонія — сховішча мультымэдыйных матэрыялаў