Станіслаў Вільгельм Радзівіл
Станіслаў Вільгельм Радзівіл (6 лютага 1880, Бэрлін — 28 красавіка 1920, каля Малына, Украіна) — расейскі і польскі ваенны дзяяч.
| Станіслаў Вільгельм Радзівіл | |
| 6 лютага 1880[1] — 28 красавіка 1920[1] (40 гадоў) | |
| Месца нараджэньня | |
|---|---|
| Месца сьмерці | |
Біяграфія
рэдагаваць
Нарадзіўся 6 лютага 1880 году ў Бэрліне. З роду Радзівілаў. Сын Антонія Вільгельма.
Пасьля сьмерці бацькі ў 1904 годзе стаў уладальнікам Давыд-Гарадоцкай ардынацыі, прыняў расейскае падданства. Удзельнік расейска-японскай вайны 1904—1905 гадоў, Першай сусьветнай вайны. Пасьля Лютаўскай рэвалюцыі (1917) добразычліва адносіўся да беларускага нацыянальнага руху. У сакавіку 1917 году вітаў Зьезд беларускіх нацыянальных арганізацыяў. Адзін з заснавальнікаў польскай Нацыянальна-кансэрватыўнай партыі ў Петраградзе (кастрычнік 1917), сакратар арганізацыі партыі ў Менску. У лютым 1919 году ўступіў у трэці полк уланаў у складзе Літоўска-беларускай дывізіі. 30 ліпеня 1919 году прызначаны ад’ютантам Вярхоўнага галоўнакамандуючага польскай арміяй Юзэфа Пілсудскага.
Загінуў 28 красавіка 1920 году ў баі пад Малынам ва Ўкраіне[2].
Літаратура
рэдагаваць- Шышыгіна-Патоцкая, К. Нясвіж і Радзівілы / К. Шышыгіна-Патоцкая. — Мн.: Беларусь, 2007.
Крыніцы
рэдагаваць- ^ а б в Lundy D. R. Prince Stanislaw Radziwill // The Peerage (анг.)
- ^ Деревня Маньковичи (Брестская область): Последний владелец, Кароль Радзивилл, после освобождения из большевицкого плена, уехал в ЮАР(недаступная спасылка)