Элеанора Марыя Юзэфа Габсбург: розьніца паміж вэрсіямі
Створана старонка са зьместам ''''Элеанора Марыя Юзэфа Габсбурґ''' ({{мова-de|Eleonore Maria Josefa von Habsburg}}; 31 траўня [[165...' |
(Розьніцы няма)
|
Вэрсія ад 00:03, 1 верасьня 2009
Элеанора Марыя Юзэфа Габсбурґ (па-нямецку: Eleonore Maria Josefa von Habsburg; 31 траўня 1651, Рэгенсбург, цяпер Нямеччына - 17 сьнежня 1697, Вена, цяпер Аўстрыя) - каралева польская й вялікая княгіня літоўская, пасьля княгіня лятарынская.
Біяграфія
Была дачкой імпэратара Сьвятое Рымскае імпэрыі, караля Чэхіі й Вугоршчыны Фэрдынанда ІІІ Габсбурга й Элеаноры Ганзагі. 27 лютага 1670 у Яснай Гуры пабралася шлюбам з каралём польскім й вялікім князе літоўскім Міхалам Вішнявецкім. У кастрычніку таго самага году была каранаваная ў Катэдральным касьцёле сьвятога Яна ў Варшаве. У пары быў толькі адзін сын, які нарадзіўся мёртвым 29 лістапада 1670. Пасьля сьмерці мужа ў 1673 вярнулася ў Аўстрыю.
Дзякуючы дапамозе брата Леапольда І Габсбурга ажанілася ў Вінэр-Нойштаце 6 лютага 1678 са сваім былым каханкам князем Лятарынгіі Карлам V. Карл V быў прызначаны намесьнікам Тыролю й Пярэдняе Аўстрыі й пара пасялілася ў замку ў Інсбруку. Пасьля сьмерці мужа ў 1690 прыкдала ўсе намаганьні для забесьпячэньня незалежнасьці Лятарынгіі й замацаваньня яе за сваімі нашчадкамі, што было зацьверджана дамовай у Рысвіку ў 1697. Тым ня менш пагадненьне прадугледжвала вольны праход францускіх войскаў праз тэрыторыю княства. Празь некалькі месяцаў пасьля гэтага Элеанора Марыя памерла. Яна была пахаваная ў крыпце Габсбургаў у Вене ў касьцёле капуцынаў.
Дзеці
- Леапольд I Лятарынскі (1679-1729), князь Лятарынгіі ад 1690;
- Карл Ёзэф Лятарынскі (1680-1715), арцыбіскуп трырскі ад 1711;
- Элеанора Лятарынская (1682);
- Карл Фэрдынанд Лятарынскі (1683-1685);
- Ёзэф Інацэнт Эмануэль Лятарынскі (1685-1705), імпэрскі генэрал;
- Франц Ёзэф Лятарынскі (1689-1715), абат Стаблё й Мальмэдзі.