Сабор Уваскрашэньня Хрыстова (Санкт-Пецярбург)

храм
Сабор Уваскрашэньня Хрыстова

Краіна	Расея
Горад	Санкт-Пецярбург
Адрас	набярэжная канала Грыбаедава, 2
Каардынаты	59°56′24.58″ пн. ш. 30°19′42.95″ у. д. / 59.9401611° пн. ш. 30.3285972° у. д. / 59.9401611; 30.3285972Каардынаты: 59°56′24.58″ пн. ш. 30°19′42.95″ у. д. / 59.9401611° пн. ш. 30.3285972° у. д. / 59.9401611; 30.3285972
Канфэсія	праваслаўе
Эпархія	Санкт-Пецярбурская і Ладаская япархія^[d]
Архітэктурны стыль	псэўдарускі стыль^[d]
Аўтар праекту	Альфрэд Парланд і архімандрыт Ігнаці (Малышаў)
Дата заснаваньня	1907
Будаваньне	1883—1907 гады
Статус	аб’ект культурнай спадчыны Расеі федэральнага значэньня^[d]
Сайт	cathedral.ru/spasa_na_kr…
Сабор Уваскрашэньня Хрыстова на мапе Расеі Сабор Уваскрашэньня Хрыстова
Сабор Уваскрашэньня Хрыстова на Вікісховішчы

Сабо́р Уваскрашэ́ньня Хрысто́ва на Крыві́, ці Храм Спа́са на Крыві́ ў Санкт-Пецярбургу — праваслаўны мэмарыяльны аднапрастольны храм у імя Ўваскрашэньня Хрыстова; збудаваны ў памяць пра тое, што на гэтым месцы 1 сакавіка 1881 году ў выніку замаху быў сьмяротна паранены імпэратар Аляксандар II (выраз на крыві паказвае на кроў цара). Храм быў збудаваны як помнік цару-мучаніку на сродкі, сабраныя па ўсёй Расейскай імпэрыі^[1].

Месьціцца ў гістарычным цэнтры Санкт-Пецярбургу на беразе канала Грыбаедава побач зь Міхайлаўскім садам і Канюшаннай плошчай. Вышыня дзевяціглавага храму 81 м, умяшчальнасьць да 1600 чалавек. Зьяўляецца музэем і помнікам расейскае архітэктуры.

Храм быў узьведзены подле загаду імпэратара Аляксандра III у 1883—1907 гадох подле сумеснага праекту архітэктара Альфрэда Парланда і архімандрыта Ігнація (Малышава), які пазьней ад будаўніцтва адышоў. Праект выкананы ў «расейскім стылі», у некаторай ступені нагадвае маскоўскі сабор Васіля Блажэннага. Будаўніцтва доўжылася 24 гады. 19 жніўня 1907 году сабор быў асьвячоны.

На фасадзе храму зьмешчаная мазаіка гербаў гарадоў і губэрняў, сярод якіх герб Пагоня, які выступаў у якасьці гербу беларускіх губэрняў^[2].

Крыніцы

^ Путеводитель по С.-Петербургу. — Репринт. воспроизведение изд. 1903 года. — Икар, 1991. — С. 212.
^ Экскурсія па беларускім Пецярбургу (фотарэпартаж). gazetaby.com. Праверана 27 жніўня 2015 г. Архіўная копія ад 27 жніўня 2015 г.

Вонкавыя спасылкі

Сабор Уваскрашэньня Хрыстова (Санкт-Пецярбург) — сховішча мультымэдыйных матэрыялаў

[1] Путеводитель по С.-Петербургу. — Репринт. воспроизведение изд. 1903 года. — Икар, 1991. — С. 212.

[2] Экскурсія па беларускім Пецярбургу (фотарэпартаж). gazetaby.com. Праверана 27 жніўня 2015 г. Архіўная копія ад 27 жніўня 2015 г.

[1]

[2]