Спасы (манэта)

Па́мятная манэ́та «Спа́сы» — беларускія юбілейныя манэты Нацыянальнага банку Беларусі ўведзеныя ў абарачэньне 12 жніўня 2009 году. Манэты выбіты са срэбра — наміналам 20 рублёў і медна-нікеля — 1 рубель.

Манэта «Спасы», 20 рублёў, рэвэрс

Манэта «Спасы», 20 рублёў, авэрс

Манэта ўваходзіць у сэрыю Сьвяты і абрады беларусаў.

Наміналы

Срэбраная

• проба срэбра: 925
• намінал: 20 рублёў
• вага манэты: 33.62 г
• вага чыстага срэбра: 31.1 г
• дыямэтар: 38.61 мм
• манэта аксыдаваная з устаўкаю (сынтэтычны крышталь)
• якасьць: «анцыркулэйтэд»
• наклад: 5000 асобнікаў
• кошт продажу ў НББ — 89 400 руб. бяз футляру

Медна-нікелевая

• намінал: 1 рубель
• вага манэты: 16 г
• дыямэтар: 33 мм
• якасьць: «анцыркулэйтэд»
• наклад: 5000 асобнікаў
• кошт продажу ў НББ — 19 600 руб. бяз футляру

Апісаньне

Манэта мае выгляд круга, рант манэты мае рыфленьне.

• Авэрс: у коле, з геамэтрычным арнамэнтам, — выява дзяржаўнага гербу Беларусі, у цэнтры — саляны знак з васьміканцовай геамэтрычнай фігуры з элемэнтамі дэкору, што сымбалізуе сонечныя промні; долу зьмешчаны год біцьця, для срэбра — чыстая вага каштоўнага мэталю і проба; па колу — надпісы: з гары — «РЭСПУБЛІКА БЕЛАРУСЬ», долу — «ДВАЦЦАЦЬ РУБЛЁЎ» на срэбранай і «АД3ІН РУБЕЛЬ» — на медна-нікелевай.

• Рэвэрс: па цэнтру — выява мядовых сотаў, яблыні (на срэбранай манэце сынтэтычны крышталь аранжавага колеру імітуе сьпелы яблык) і жытняга снапа — сымбалі мядовага, яблычнага і хлебнага Спасаў; зьлева і справа — элемэнты беларускага велікоднага арнамэнту; долу па коле надпіс: «СПАСЫ».

Дызайн

• Сьвятлана Заськевіч

Мынца

• ЗАТ «Летувіская мынца», Вільня.

Вонкавыя спасылкі

• Нацыянальны банк Рэспублікі Беларусі