Соня садовая

Соня садовая (Eliomys quercinus) — млекакормячая жывёліна, грызун сямейства соневых.

Соня садовая
Клясыфікацыя
Царства	Жывёлы
Тып	Хордавыя
Кляса	Сысуны
Інфракляса	Пляцэнтарныя
Атрад	Грызуны
Сямейства	Соневыя
Род	Соні
Від	Соня садовая
Бінамінальная намэнклятура
Eliomys quercinus (L., 1766)
Арэал
Арэал
Соня садовая на Віківідах  Соня садовая ў Вікісховішчы ITIS 584970 · NCBI 53277

Апісаньне

Даўжыня цела 11—16 см, хваста 10—14 см, маса 60—140 г. Афарбоўка зьверху буравата-карычневая, брушка, горла і вушы белыя, ад вока да вуха праходзіць цёмная паласа.

Вельмі рухавы зьвярок, добра перамяшчаецца як па зямлі, так і па галінах дрэваў. Гнёзды робіць у дуплах, старых птушыных і вавёрчыных гнёздах, іншы раз сярод каранёў, пад паваленымі дрэвамі. Размнажаецца з траўня да верасьня. Працягласьць цяжарнасьці 22—28 сутак. У год даюць 1—2 прыплоды, у кожным зь якіх па 2—7 голых сьляпых дзіцянят. Корміцца насеньнем, ягадамі, насякомымі, малюскамі, яйкамі птушак. На зіму ўпадае ў сьпячку.

Пашырэньне

Пашырана на захадзе і ў сярэдняй паласе Ўсходняй Эўропы да Паўднёвага Ўралу. Уся тэрыторыя Беларусі знаходзіцца ў межах арэала віду.

Месцы пражываньня: мяшаныя і шыракалістыя лясы з густым падлескам зь ляшчыны, чаромхі, рабіны, шыпшыны. Аддае перавагу ўчасткам з дубам, ліпай, клёнам. Часта трапляецца на ўскрайках лесу, у зарослых высечках, старых гарах, садах, парках, у пабудовах паблізу лясоў.

Ахова

Від уключаны ў Чырвоную кнігу Беларусі, Чырвоныя кнігі Польшчы, Летувы.

Вонкавыя спасылкі

• Артыкул у Чырвонай кнізе Беларусі (рас.)
• Самусенка Э. Садовая соня Чырвоная кніга Беларусі Праверана 30 жніўня 2024 г.