Рэймс
Рэймс (па-француску: Reims) — горад на паўночным усходзе Францыі, у рэгіёне Гранд-Эст (да 1 студзеня 2016 году — у рэгіёне Шампань-Ардэны, ён быў найбуйнейшым горадам гэтага рэгіёну). Насельніцтва на 2021 год — 179 380 чалавек. Паблізу ад гораду разьмешчаны Рэймскія горы, на якіх растуць вінаградні для вытворчасьці шампанскага.
| Рэймс | |||||
| франц. Reims | |||||
 Рэймская ратуша | |||||
| |||||
| Краіна: | Францыя | ||||
| Рэгіён: | Гранд-Эст | ||||
| Дэпартамэнт: | Марна | ||||
| Кіраўнік: | Арно Рабінэ[d] | ||||
| Плошча: | 47,02 км² | ||||
| Вышыня: | 93 м н. у. м. | ||||
| Насельніцтва (2021) | |||||
| колькасьць: | 179 380 чал. | ||||
| шчыльнасьць: | 3814,97 чал./км² | ||||
| Часавы пас: | UTC+1 | ||||
| Паштовы індэкс: | 51100 | ||||
| Геаграфічныя каардынаты: | 49°15′55″ пн. ш. 4°1′43″ у. д. / 49.26528° пн. ш. 4.02861° у. д.Каардынаты: 49°15′55″ пн. ш. 4°1′43″ у. д. / 49.26528° пн. ш. 4.02861° у. д. | ||||
Рэймс на мапе Францыі   Рэймс | |||||
 Галерэя здымкаў у Вікісховішчы
| |||||
| http://www.ville-reims.fr/ | |||||
Гісторыя
рэдагавацьГорад вядомы з I стагодзьдзя да н. э. як Дуракарторум. У 406 разрабаваны вандаламі, у 451 — гунамі. Недзе паміж 496 і 506 (першая дата лічыцца «афіцыйнай») Сьвяты Рэмі хрысьціў тут караля франкаў Хлёдвіга. Адначасова Хрысьціянства прынялі 3000 франскіх жаўнераў — гэта быў пачатак хрысьціянізацыі сучасных немцаў ды французаў, таму пачынаючы зь Людовіка VII (XII стагодзьдзе) большасьць францускіх каралёў былі каранаваны ў Рэймсе.
Славутасьці
рэдагавацьАб’екты, уключаныя ў Сьпіс Сусьветнай спадчыны ЮНЭСКО
рэдагаваць- Катэдральны сабор (XIII стагодзьдзе)
- Базыліка Сьвятога Рэмі
- Палац То (былы палац арцыбіскупа Рэймскага, цяпер музэй)
Іншыя славутасьці
рэдагаваць- Брама Марса (III стагодзьдзе)
- Гала-рымскі крыптапортык (III стагодзьдзе)
- Ратуша
- Каралеўскі пляц з будынкам падпрэфэктуры й статуяй Людовіка XV
- Гатэль Лё Вэргёр (XVI стагодзьдзе, цяпер Музэй Прыгожых мастацтваў)
- Музэй капітуляцыі (будынак, у якім 7 траўня 1945 была падпісана дамова аб капітуляцыі Трэцяга Райху)
- Музэй аўтамабіляў
- Дамы́ шампанскага (Henri Abelé, Krug, Ruinart, Veuve Clicquot, Vraken-Pommery і іншыя)
Галерэя
рэдагаваць-
Асноўны фасад Рэймскага сабору -
Базыліка Сьвятога Рэмі -
Брама Марса -
Пляшкі з шампанскім у склепе аднаго з Дамоў Шампанскага
