Рышард Шуркоўскі

Рышард Шуркоўскі (па-польску: Ryszard Szurkowski, 12 сьнежня 1946 — 1 лютага 2021, Радам) — польскі раварыст. Чэмпіён сьвету з 1973 году, двухразовы срэбраны прызэр Алімпійскіх гульняў і чатырохразовы пераможца Гонкі Міру (1970, 1971, 1973 і 1975), трохразовы чэмпіён сьвету і 12-разовым чэмпіёнам Польшчы. Трэнер і дэпутат сойму ПНР.

Рышард Шуркоўскі
Пэрсанальная інфармацыя
Поўнае імя	па-польску: Ryszard Szurkowski
Нарадзіўся	12 студзеня 1946(1946-01-12) Сьвебодув[d], Красьніцы (гміна)[d], Міліцкі павет[d], Ніжнесылескае ваяводзтва, Польшча
Памёр	1 лютага 2021(2021-02-01) (75 гадоў) Радам, Мазавецкае ваяводзтва, Польшча
Грамадзянства	Польшча
Прафэсійная інфармацыя
Спэцыялізацыя	вэлягоначнік
Узнагароды і мэдалі Спартовец году Польшчы[d] (1973) Спартовец году Польшчы[d] (1971)

Жыцьцяпіс

У спаборніцтвах удзельнічаў з 1963 году. У 1960-ыя гады Шуркоўскі раз-пораз перамагаў у розных нацыянальных спаборніцтвах, у тым ліку ў горным кросе. З 1969 году залічаны ў склад нацыянальнай зборнай.

Пасьля заканчэньня кар’еры ў 1984—1988 гадах быў трэнэрам зборнай Польшчы, а таксама прэзыдэнтам польскага Аб’яднаньня раварыстаў ў 2010-11 гадах.

У чэрвені 2018 году сур’ёзна пацярпеў у аварыі падчас гонкі вэтэранаў у Кёльне, перанёс некалькі апэрацыяў.

Узнагароды

Прэзыдэнт Польшчы Анджэй Дуда пасьмяротна ўзнагародзіў Рышарда Шуркоўскага Вялікім Крыжам Ордэна адраджэньня Польшчы за выдатны ўклад у разьвіцьцё і папулярызацыю роварнага спорту ў Польшчы, а таксама за прасоўваньне і папулярызацыю фізычнай культуры і алімпійскай ідэі.

Цікавыя факты

11 верасьня 2001 году ў Нью-Ёрку загінуў старэйшы сын Шуркоўскага 31-гадовы Норбэрт, які знаходзіўся на 104-м паверсе адной з ўзарваных вежаў Сусьветнага гандлёвага цэнтру.